សង្គម
វ័យក្បែរ ៥០ក្តី តែសម្រស់របស់ពិធីការិនី យុគ ចិន្តា នៅតែស្រស់ខ្ញង់ ជាពិសេសជាមួយនឹង រ៉ូបវែងពណ៌ផ្កាឈូកមួយឈុតនេះកាន់តែលើកសម្រស់ពិធីការិនីរូបនេះឱ្យកាន់តែលេចធ្លោ មួយកម្រិត។ នៅតែមានការសរសើពីសម្រស់របស់ពិធីការិនីដ៏មានប្រជាប្រិយភាពអ្នកនាង យុគ ចិន្តា ពីសំណាក់ទស្សនិកជន ។
រហូតមកដល់ពេលនេះគេមិនទាន់ឃើញពិធីការិនីរូបណាអាចវ៉ាដាច់អ្នកនាង យុគ ចិន្តា បានឡើយមិនថាការប្រើប្រាស់ពាក្យសម្តីនិងការរៀបចំខ្លួនចូលរួមនៅក្នុងកម្មវិធីនានា ។ អ្នក នាងត្រូវបានគេចាត់ទុកជាពិធីការិនីដ៏មានឥទ្ធិពលម្នាក់នៅស្ថានីយទូរទស្សន៍ស៊ីធីអិន ។ អ្វី ដែលគួរឱ្យកត់សម្គាល់វ័យកាន់តែជ្រេបន្តិចក្តី ប៉ុន្តែសម្រស់របស់អ្នកនាង យុគ ចិន្តា នៅតែស្រស់ស្អាតមិនប្រែប្រួលពីមុនឡើយ។ មួយវិញទៀតអ្នកនាងនៅតែរក្សាសម្រស់ធម្មជាតិ ដោយមិនមានការកែកុនតាមបែបបច្ចេកវិជ្ជាទំនើបនាពេលបច្ចុប្បន្ននោះទេ ។
ជាក់ស្តែងថ្មីៗ នេះអ្នកនាង យុគ ចិន្តា បានធ្វើឱ្យអ្នកគាំទ្រមួយចំនួនមានការលាន់មាត់គ្រប់គ្នាដោយអ្នកនាង បានជះសម្រស់យ៉ាងទាក់ទាញក្នុងឈុតរ៉ូបពណ៌ផ្កាឈូកដែលមើលទៅពិតជាស័ក្តិសមជាមួយរូបរាងស្រឡូនស្អាតរបស់អ្នកនាងតែម្តង។ក្នុងនោះក៏មានប្រិយមិត្តនារីមិនតិចនាក់ទេចង់ ដឹងពីអាថ៌កំបាំងក្នុងការថែរក្សាសម្រស់របស់ ពិធីការិនី យុគ ចិន្តា ដែលនៅតែមានសាច់ចាំ ក្មេងបែបនេះខណៈមានកូនក្រមុំវ័យ ១៨ឆ្នាំ និងមានអាយុក្បែរ ៥០ឆ្នាំក្តី ។
មិនត្រឹមជាពិធីការិនីដែលមានឈ្មោះបោះសំឡេងប៉ុណ្ណោះទេអ្នកនាង យុគ ចិន្តា ត្រូវបានគេ ចាត់ទុកជាសិល្បការិនីដែលមានមុខជំនួញច្រើនក្នុងដៃមិនថាក្នុងប្រទេសឬនៅសហរដ្ឋអាមេរិកឡើយ តែអ្វីដែលគួរឱ្យសរសើរអ្នកនាងមិនសូវសម្ញែងសម្ភារៈនិយមដូចតារាដទៃឡើយ ។ ជារៀងរាល់ពេលទំនេរអ្នកនាង យុគ ចិន្តា តែងចំណាយពេលដើរលំហែរនៅខេត្តកោះកុង ក៏ ដូចជាមើលការខុសត្រូវនៅក្នុងមុខរបរអចលទ្រព្យនៅទីនោះផងដែរ ។
អ្នកនាងក៏ជាអ្នកសិ ល្បៈដែលជោគជ័យទាំងការងារ ជំនួញ និងជីវិតស្នេហា យ៉ាងណាមិញពេលនេះអ្នកនាងកំ ពុងរស់នៅយ៉ាងមានក្តីសុខជាមួយគូស្នេហ៍ក្រោមដំបូលតែមួយគ្រាន់តែអ្នកនាងពុំទាន់គិតគូរកពេលាល្អចូលរោងជ័យ ខណៈធ្លាប់ខកខានមួយរយៈមុនដោយសារជំងឺកូវីដរាតត្បាត៕
