សង្គម
តារាកំប្លែង ខ្ញុង ចាប់ផ្តើមអាជីពកំប្លែងរបស់ខ្លួនជាថ្មីម្តងទៀតក្រោយខកខានការសម្តែងជាមួយលោក សុវណ្ណ រិទ្ធី ហៅលោកតា វ៉ិចទ័រ មួយរយៈពេល ។ អ្វីដែលគួរឱ្យកត់សម្គាល់មាន ការទម្លាយថា ខ្ញុង វិលមករួមសម្តែងជាមួយលោកតា វ៉ិចទ័រ ដែលសង្ស័យថាជាកម្មវិធីផ្ទះលេខ ១ផ្ទះលេខ ២ក្រោយមានការរិះគន់ថា គឹម លីហ្សា សម្តែងមិនល្អពីសំណាក់មហាជននាពេលកន្លងមក ។
ចុងក្រោយនេះគេសង្កេតឃើញថាតារាកំប្លែង ខ្ញុង ហាក់មានភាពស្រស់ស្រាយច្រើនជាងមុន ពោលរបររកស៊ីតាមអនឡាញរបស់នាងក៏កំពុងទទួលបានការគាំទ្រពីសំណាក់អតិថិជនជាច្រើន ។ អ្វីដែលចាប់អារម្មណ៍ថ្មីៗនេះ ខ្ញុង ចាប់ផ្តើមបង្ហាញមុខនៅក្នុងកម្មវិធីរបស់ទូរទ ស្សន៍ជា បន្តបន្ទាប់ ស្របនាងបានបង្ហាញរូបភាពមួយសន្លឹករួមជាមួយលោកតា វ៉ិចទ័រ និង សមាជិកនៅក្នុងក្រុមកំប្លែងដោយភ្ជាប់ជាមួយសារដែលមានន័យថា
«វាជាការចាប់ផ្ដើមថ្ងៃដំបូងហើយក៏ជាការសម្រេចចិត្តដែលត្រឹមត្រូវបំផុតសម្រាប់ខ្លួនឯងនិងមនុស្សជុំវិញខ្លួនដែលស្រឡាញ់និងគាំទ្រខ្ញុំ អរគុណប្ដីសម្លាញ់ដែលបំពេញ តាមការសម្រេចចិត្តរបស់អូន។ តោះតាមដានអរគុណបងប្អូនដែលជឿជាក់លើសមត្ថភាពខ្ញុំ»។
តាមរយៈរូបភាពរួមនឹងអត្ថន័យដែលតារាកំប្លែងខ្ញុង បានរៀបរាប់គេជឿជាក់តារាកំប្លែងរូបនេះ នឹងត្រឡប់មករួមការងារជាមួយលោកតា វ៉ិចទ័រ ជាពិសេសនៅក្នុងកម្មវិធីសំណើច ផ្ទះលេខ ១ផ្ទះលេខ ២ ជាថ្មីម្តងទៀត ។
ការវិលត្រលប់របស់ ខ្ញុង ជាថ្មីឡើងវិញបានធ្វើឱ្យអ្នកនិយម តាមដានកម្មវិធីកំប្លែងមានការរីករាយនិងគាំទ្រគ្រប់គ្នាព្រោះដូចដឹងស្រាប់ហើយថាដៃគូដែលស័ក្តិសម ជាមួយ នាយពាក់មី គឺតារាកំប្លែង ខ្ញុង តែម្តង ។ ស្របចុងក្រោយនេះក៏មានការរិះគន់ថា គឺម លីហ្សា ដែលកំពុងសម្តែងជាមួយនាយ ពាក់មី នៅក្នុងកម្មវិធីសំណើចផ្ទះលេខ ១ ផ្ទះលេខ២ មិនសូវស៊ីគ្នាប៉ុន្មានឡើយ ។
ទោះបីជាយ៉ាងនេះក្តី ខ្ញុង មិនបានបញ្ជាក់ថាការវិលត្រឡប់មកក្នុងអាជីពកំប្លែងរបស់នាងជា មួយក្រុមលោកតា វ៉ិចទ័រ និងសម្តែងនៅក្នុងកម្មវិធីអ្វីឡើយដោយនាងចង់ឱ្យមហាជនតាមដាន ។គេចាំបានថាតារាកំប្លែង ខ្ញុង បានផ្អាកការលេងកំប្លែងនៅក្នុងក្រុមលោកតា វ៉ិចទ័រ ក្រោយនាងធ្លាក់ខ្លួនមានបំណុល រុំកោះដោយកាលណោះនាងបញ្ជាក់ថាមិនចង់លេងកំប្លែងព្រោះខ្មាសមហាជននៅពេលខ្លួនមានរឿងអា-ស្រូ-វបែបនេះ៕
