![](https://blogger.googleusercontent.com/img/b/R29vZ2xl/AVvXsEhiUo_ZbM_l6gl6Iz_tmduciaVFJuvVx28SaAyCBg2oK-T9EV2b3Tc3U5ztFiTTKqABEilODpMbLrgXxXV8tmdWXt5VUO5HjpuPfdwQLk9-W-ekuoqrIcsF7oRyWueQXzDp65haG3CAziyHSENUGOPuc7d-wMkxlmLdlADBttZbkquSv_--ll2b8t_7Yw/s1600/Thumbnail.jpg)
សិល្បៈ
ក្នុងនាមជាអ្នកម្តាយតារាសម្តែង សឿន ផាភួង មិនភ្លេចនឹងជូនពរកូនស្រីរបស់ខ្លួនគឺកញ្ញា អាង សុជាតា ឱ្យ ទទួលបានជោគជ័យនឹង និទ្ទេសល្អនៅក្នុងការប្រឡងសញ្ញាប័ត្រទុតិយភូមិនៅក្នុងឆ្នាំ២០២២នេះ ។
ជឿជាក់ថាអ្នកគាំទ្រពិតជាបានដឹងហើយថាតារាសម្តែងរូបស្រស់ អាង សុជាតា ហៅ ឈូឈូ ជាកូនស្រីពៅរបស់តារាសម្តែង សឿន ផាភួង ហើយក្រៅពីអាជីពសិល្បៈ អាង សុជាតា ក៏ជាតារាសម្តែងវ័យក្មេងដែលកំពុងមានទីផ្សារការងារខ្ពស់ទាំងការសម្តែងនិងថតស្ប៉តពាណិជ្ជកម្ម ។
បើទោះជាមមាញឹកខ្លាំងនៅក្នុងការងារសិល្បៈ តែ អាង សុជាតា មិនបោះបង់ចោលការសិក្សានោះទេ ជាក់ស្តែងរាល់ថ្ងៃកញ្ញាជាសិស្សថ្នាក់ទី ១២ ដែលត្រូវប្រឡងសញ្ញាប័ត្រទុតិ យភូមិដែលនឹងប្រព្រឹត្តឡើងនៅថ្ងៃទី ០៥ និងទី ០៦ នេះ ។
ខណៈកូនស្រីកំពុងប្រឡងដើម្បីបញ្ចប់ថ្នាក់ទី ១២ នោះ សឿន ផាភួង ក៏មិនភ្លេចលើកទឹកចិត្ត និងជូនពរកូនដែលស្តាប់ហើយពិតជារំភើបជាខ្លាំង ។ សឿន ផាភួង បានជូនពរកូនស្រី ថា«ថ្ងៃទី៥.៦.ខែ១២.២០២២ ត្រូវនឹងថ្ងៃកូនប្រឡងម៉ាក់សូមបួងសួងឱ្យ កូនស្រីម៉ាក់ ប្រឡងជាប់ទទួលបានលទ្ធផលល្អ ទោះដឹងថាកូនរវល់ច្រើនមិនសូវបានរៀន តែម៉ាក់ជឿជាក់លើកូនម៉ាក់នឹងជាកម្លាំង ចិត្តដល់កូនណា៎ ស៊ូស៊ូ»។ ក្រៅពី សឿន ផាភួង ក៏មានការជូនពរពីសំណាក់ ហ្វេន ហ្វេនជាអ្នកគាំទ្រឱ្យ អាង សុជាតា បានទទួលជោគជ័យនៅក្នុងការប្រលងនេះ ។
គួរបញ្ជាក់ថា សឿន ផាភួង និងកូនស្រីក៏ជាអ្នកសិល្បៈដែលកំពុងមានហាងឆេងខ្ពស់មិនចាញ់ តារាផ្សេងៗប៉ុន្មានឡើយ ។ យ៉ាងណាមិញចុងក្រោយនេះ សឿន ផាភួង បានបង្ហាញសមិទ្ធិផលជាបន្តបន្ទាប់ដែលមានដូចជាផ្ទះវីឡា រថយន្តរួមនឹងការចំណាយប្រាក់រាប់ម៉ឺនដុល្លារដើម្បីធ្វើ ខួបកំណើតគម្រប់អាយុ ១៨ឆ្នាំឱ្យ អាង សុជាតា កាលពីពេលថ្មីៗនេះ ។ ក្នុងនោះ សឿន ផាភួង បានអះអាងថាជាញើសឈាមដែលនាង និងកូនស្រីបានប្រឹងប្រែងរករួមគ្នានាពេលកន្លងមក ៕
![](https://blogger.googleusercontent.com/img/b/R29vZ2xl/AVvXsEhu2rGBPOdFFpMNSWR3PK_3RrHE1iPO3lRawOXR53QWGo-udeX_NZUtG2hTuTt9LSyxqXKjt_tSMlZHFGNSh47A4LybqU48wMTRgZkmlJDyp8UulX1dazcDL8KbiARSmSLd65AQWBC52R7xEsSJiTZQuevywKzSqw1qNjTEbUU7_B1fybj8fhEOTtft8Q/s1600/photo_2022-12-05_23-29-55.jpg)
![](https://blogger.googleusercontent.com/img/b/R29vZ2xl/AVvXsEjaGjRb9ZPGWirXOenLlpoKXSsDb-lA24WZsZbrp-CDl06B23zkejigLOojSCVrUEqi8WHJcd8RhJVDGxweEsiEEoR3TcY0YyqOg8LHrzWtQv0PDoO6T7mh_eOd7Xt_-MHKFctHLeYo2kL5xeBZ6NQpKut4KhBT_eyNlQP7xQoATl5Xrk5DKHb0ac5Yrw/s1600/photo_2022-12-05_23-29-56.jpg)
![](https://blogger.googleusercontent.com/img/b/R29vZ2xl/AVvXsEjJpJ-6agz8hvXF2Bn2HnvrXZXWO899g91I08ZHQPRN5ucjjSvpWkYe7oOSfmzgoObb2OSWIKsd-FA-g8KRDt4V_4Nn_f-0MsAhInoXjwLMHQHyfmkHeDn_THqLScCA2Pqc2JViANnKknargUd3NQslqx33Y_FfFqMdYSe2Ak5VXLgs4-RkXJBnNH6XxA/s1600/photo_2022-12-05_23-29-57.jpg)
![](https://blogger.googleusercontent.com/img/b/R29vZ2xl/AVvXsEh4qxaaJiYH-OhlQmIv4quA-nNx4BShgLIUkSJSmT-_mtaTinm4w5lRoHN6TbB4FdNy8dPtaSWgon6tOm4VpvCcLsMqRiauU2mzZpnuHSBPRmoleCNrbRL-9IyNED-NCRlTnBlx8HsYlfg0g6vWc2Xi8ENFisdUjzVP7RbqdNSV-IJw6vJ66TsJ1IOrcQ/s1600/photo_2022-12-05_23-29-58.jpg)
![](https://blogger.googleusercontent.com/img/b/R29vZ2xl/AVvXsEgbC6lB9RMliGJtyRH5cBSgmVzo1PZaE-nxL4FySg2V4D3ODErwuqqvESjPlwU0mwVXNAaiFrMoBxJcZrSoP-MxRiJISSV_ICHCTIoxVw-RYwu_WkH8nmZxzTL-Gm0zStVlC5UKf9Dm_impO15ZItPyMwDgN_LtTofc3-686NESM_FoiA5qnwHI1XLi2w/s1600/photo_2022-12-05_23-30-01.jpg)
![](https://blogger.googleusercontent.com/img/b/R29vZ2xl/AVvXsEjnZAOhkGli2k-89TcvKJDmq0M38gDLm6lHnoNSxCvym75k8hMpO8WYtBrxVsdL73dS1w3HPurOsvzbkzPsbhHYOrUUY_beTsSa_rF-27C1mpQomMZt-CW40tq7RUyCIeu-y6tISrarepMkQtR0cn_huHoT85vQ8_WwwuKwsoamDpxN2b0DK0dVF8mlgg/s1600/photo_2022-12-05_23-30-02.jpg)