សិល្បៈ
បើគិតមកដល់ពេលនេះរយៈពេលប្រមាណជាជិតមួយឆ្នាំហើយដែលតារាចម្រៀង ពេជ្រ សូលីកា និងលោក គីម ហាន បានចែកផ្លូវគ្នាដើររៀងខ្លួនដោយបន្សល់ កូនប្រុសមួយជាចំណងដៃ ។ អ្វីដែលចាប់អារម្មណ៍ថ្មីៗនេះ ពេជ្រ សូលីកា បាន ប្រកាសថា Single យូរចង់មានអ្នកCare ឯអតីតគគូស្នេហ៍លោក គីម ហាន ក៏ បានបង្ហាញអារម្មណ៍តាមហ្វេសប៊ុកថាចង់ស្តាប់ពាក្យដែលធ្វើឱ្យអូន ក្លាយជា របស់បង។
អ្វីដែលគួរឱ្យសរសើរបើទោះបីបែកគ្នា តែអតីតប្តីប្រពន្ធមួយគូនេះនៅតែបន្ត ផ្តល់ក្តីស្រឡាញ់និងភាពកក់ក្តៅដល់កូនប្រុសរបស់ខ្លួនជាធម្មតា តែយ៉ាងណា រហូតមកដល់អ្នកទាំងពីរមិនទាន់មានអ្នកណារកបានអ្នកស្អំបេះដូងថ្មីនៅឡើយ ទេ ខណៈកន្លងមកតែងមានការផ្គូរផ្គងតារាចម្រៀង ពេជ្រ សូលីកា ជាមួយនិង តារាពន្លកថ្មីជាសិស្សប្អូនលោក ថុល សុភិទិ ពីសំណាក់អ្នកគាំទ្រ។
យ៉ាងមិញ ថ្មីៗនេះតារាចម្រៀងរូបស្រស់ជាអ្នកមេម៉ាយកូនមួយរូបនេះបានសរសេរសារខ្លីដែលមានអត្ថន័យថា« Single យូរចង់មានអ្នកCare»។ការលើកឡើងរបស់ តារាចម្រៀងប្រចាំផលិតកម្មហង្សមាសរូបនេះក៏ទទួលបានការគាំទ្រពីសំណាក់ហ្វេន ហ្វេនស្ទើរគ្រប់គ្នាថាល្មមដល់ពេលហើយអាយដល។
ទោះបីជាយ៉ាងនេះក្តីគេមិនទាន់ដឹងថាការលើកឡើងរបស់ ពេជ្រ សូលីកា ចង់ បានអ្នកថ្នមថែរនេះជាពាក្យពិតឬគ្រាន់តែពាក្យពេចន៍លេងសើចដើម្បីកំដរការអផ្សុកនោះឡើយ ។ អ្វីដែលចាប់អារម្មណ៍បើគេក្រឡេកមើលអតីតគូស្នេហ៍ របស់ ពេជ្រ សូលីកា គឺលោក គីម ហាន ឯណោះវិញក៏តែងបញ្ចេញអារម្មណ៍ ដូចកំពុងមានស្នេហាតាមហ្វេសប៊ុកដោយថ្មីៗនេះលោកបានបង្ហោះសារខ្លីដែលមានន័យថា«ពាក្យបីម៉ាត់ដែលជាព្រះ។ ហើយពេលនេះបងអើយ បងកំពុងរង់ ចាំស្តាប់ពាក្យដែលនឹងធ្វើឱ្យអូនក្លាយជារបស់បង»។
ដ្បិតការបង្ហោះសារ រប ស់លោក គីម ហាន ជាភាសាខ្មែរស្តាប់ហើយមិនសូវយល់អត្ថន័យក៏ពិតមែន តែហាក់បង្ហាញថាលោកកំពុងមានស្នេហាថ្មី។ មានការលើកឡើងពីសំណាក់ អ្នកលេងនៅក្នុងបណ្តាញសង្គមថាមិនមានអ្វី ចម្លែកទេក្នុងការស្វែងរកដៃគូថ្មី ព្រោះថាសព្វថ្ងៃអ្នកទាំងពីរសុទ្ធតែនៅលីវហើយ អ្វីដែលសំខាន់នឹងគួរឱ្យសរ សើរនោះពួកគេនៅតែបន្តផ្តល់ភាពកក់ក្តៅនិងមើល ថែ ទាំកូនប្រុសបានយ៉ាង ល្អដដែល ៕
