√ ម្ចាស់ពាននៅក្នុងកម្មវិធី The Voice Kids Cambodia កុមារា សារុំ បញ្ញាស័ក្ត ត្រូវបានអ្នកគាំទ្រចាប់អារម្មណ៍ក្រោយមានចំណុចពិសេសនេះដូចម្ចាស់ពានជាសិស្សច្បង!

សិល្បៈ

តាគល់

ពេលនេះដែរកម្មវីធីប្រឡងចម្រៀងលំដាប់ពិភពលោក The Voice Kids Cambodia បានបញ្ចប់បេសកម្មដោយជោគជ័យដោយម្ចាស់ជ័យលាភីបានទៅលើកុមារា សារុំ បញ្ញាស័ក្ត រស់នៅទីក្រុងភ្នំពេញជាកូនក្រុមរបស់តារាចម្រៀង ហ្សូណូ ។ ក្រោយកុមារា សារុំ បញ្ញា ស័ក្ត ទទួលជោគជ័យក៏មានការចាប់អារម្មណ៍ពីសំណាក់អ្នកគាំទ្រថាកុមារាក្រៅពីមានសមត្ថភាព កុមារារូបនេះក៏មានពាក់ចិញ្ជៀនត្បូងខ្មៅដែលនាំសំណាងដូចម្ចាស់ពានជាសិស្សច្បងនា ពេលកន្លងមក ។ ដោយសារតែមានសមត្ថភាពខ្ពស់ក្នុងការប្រើប្រាស់សំឡេងបានល្អមានទឹកដមពីរោះមិនចាញ់មនុស្សពេញវ័យទើបធ្វើឱ្យកុមារា សារុំ បញ្ញាស័ក្ត ទទួលបានការបោះឆ្នោតពីសំណាក់អ្នក គាំទ្រច្រើនយកឈ្នះកុមារាកុមារីចំនួន ៥រូបទៀត ។ ជាមួយនឹងការអបអរចំពោះម្ចាស់ពាន The Voice Kids Cambodia រដូវកាលទីបី នេះក៏មានការលើកឡើងថា កុមារា សារុំ បញ្ញាស័ក្ត មានចំណុចពិសេសពាក់ចិញ្ជៀនត្បូងខ្មៅដូចទៅនឹងម្ចាស់ពានជាសិស្សច្បងនាពេលកន្លងមក ដែលមានដូចជាលោក នី រតនា ដែលជាអតីតម្ចាស់ពាន Cambodian Idol រដូវកាលទី១ កញ្ញា ឈិន ម៉ានិច្ច អតីតម្ចាស់ពាននៅក្នុងកម្មវិធី Cambodian Idol រដូវកាលទី២ និងលោកលឹម តិចម៉េង ម្ចាស់ពាននៅក្នុងកម្មវិធី Cambodian Idol រដូវកាលទី៣ ដែលបានបញ្ចប់កាលពី ប៉ុន្មានខែមុននេះ។ កន្លងមកធ្លាប់មានការលើកឡើងថាពិតជាចិញ្ជៀនវេទមន្តនឹងនាំសំណាង ពិតៗព្រោះភាគ ច្រើនបេក្ខជនបេក្ខនារីដែលពាក់ចិញ្ជៀនត្បូងខ្មៅនេះតែងទទួលជោគជ័យនឹង ក្លាយជា ម្ចាស់ ពាន។ទោះបីជាយ៉ាងនេះក្តីក៏មានការលើកឡើងថាទាំងនេះគ្រាន់តែជារឿងចៃដន្យប៉ុណ្ណោះបើ គ្មានសមត្ថភាពទោះពាក់យ៉ាងណាក៏ធ្លាក់ដែរ។ គូរបញ្ជាក់ថាសម្រាប់ម្ចាស់ពាននៅក្នុងកម្មវីធី The Voice Kids Cambodia រដូវកាលទី១បានទៅលើកុមារា ពេជ្រ ថៃ រដូវកាលទី២បានទៅ លើកុមារា ទេព ពិសិដ្ឋ និងម្ចាស់ពានរដូវកាលទី៣បានទៅ កុមារាសារុំ បញ្ញាស័ក្ក នេះតែ ម្តង។មហាជនកំពុង រងចាំតាមដានមើលថាតើម្ចាស់ពានកុមារាទាំង៣រូបនៅក្នុងកម្មវីធី ប្រឡងចម្រៀង លំដាប់ពិភពលោក នេះម្ចាស់ពានរូបណា នឹងជោគជ័យជាងគេនៅក្នុង ផលិតកម្មរស្មីហង្សមាស៕