√ វណ្ណដា ទម្លា-យបទពិសោធជីវិតពិត ស្នេហា និងការងារ ដែលនាំឱ្យលោកជោគជ័យខ្លាំងបែបនេះ

សិល្បៈ

តាគល់

លោក វណ្ណដា ដូចដែលអ្នកគាំទ្របានដឹងស្រាប់ហើយអំពីសមត្ថភាព ក្នុងវិស័យចម្រៀងទាំងការច្រៀង រ៉េប និពន្ធបទចម្រៀង បទភ្លៀង និង បង្កើតស្នាដៃបទចម្រៀងថ្មីៗ ហើយកំពុងហក់ឡើងខ្លាំងនៅក្នុងអាជីពរបស់លោក ហើយចូលឆ្នាំថ្មីនេះភ្លាមលោកក៏បាន ក្លាយជាទូតសុឆន្ទៈរបស់ ភេសជ្ជៈដ៏ល្បីមួយគឺ កូកា-កូឡា ប្រចាំប្រទេសកម្ពុជាទៀតផង។

អ្វីដែលកាន់តែចាប់អារម្មណ៍ទៀតនោះគឺនៅយប់ថ្ងៃទី ១១ ខែមករា ឆ្នាំ២០២៣នេះ លោកបានបង្ហើបឱ្យដឹងអំពី “ស្នេហា និងការងារ មានតួនាទីធំក្នុង Daily routine (ទម្លាប់ប្រចាំថ្ងៃ)” ក្នុងនោះលោកបានរៀបរាប់ឱ្យដឹងទាំងស្រុងថា៖

ពីមុនមកខ្ញុំធ្លាប់មាននារីខ្លាំងម្នាក់នៅក្បែរ ដោះស្រាយរួមគ្នាទាំង ការងារ/បញ្ហា លើកទឹកចិត្ត ផ្តល់ភាពកក់ក្តៅ និងសុភមង្គលអោយគ្នា មានពេលវេលាសម្រាប់គ្នា រកចំណូលផ្សេងគ្នា ចំណាយផ្សេងគ្នា ហើយខ្ញុំអាចធ្វើការងារទាំងនោះបានដោយស្នាមញញឹម ទឹកមុខស្រស់បស់ មានគំនិតច្នៃប្រឌិត មានអារម្មណ៍រំភើប និងកំលាំងចិត្តដែលដៃគូររបស់យើងផ្តល់ឱ្យ។

លោកបានបន្តថា៖ បើទោះបីជាយើងមិនបានបង្ហាញ relationship និងរួមដំណើរជាមួយគ្នារហូតមែន តែពួកយើងបានបញ្ចប់វាដោយរកឃើញការកំណត់គោលដៅ និងពាក់កណ្តាលនៃភាពជោគជ័យរៀងខ្លួនបួករួមនឹងស្នាមញញឹមដូចគ្នា។

ផ្អែកលើបទពិសោធន៍នេះច្បាស់ណាស់ថា ការរើសដៃគូរត្រូវ និងយល់ពីការងាររៀងខ្លួន ពិតជាមានសារៈសំខាន់ក្នុង (daily routine) ទោះក្នុងកាលៈទេសៈណាមួយវាជាបទពិសោធន៍មួយដ៏ល្អ មេរៀនថ្មី និងបំភ្លឺផ្លូវសម្រាប់ថ្ងៃមុខ។

បើសិនជារើសដៃគូខុស និងមិនយល់ពីស្ថានភាពរបស់អ្នកបច្ចុប្បន្ន ជីវិតអ្នកនឹងពោរពេញទៅដោយភាពស្មុកស្មាញ បញ្ហាការងារ បញ្ហាស្នេហា នឹងធ្វើអោយអ្នកងងឹតរកផ្លូវចេញលែងឃើញ ហើយអ្នកអាចធ្លាក់ចូលក្នុងស្ថានភាពដើមណាមួយដែលអ្នកមិនដែលប្រាថ្នាចង់អោយមានជាលើកទី២។ សូមពិនិត្យសុខភាពបេះដូងខ្លួនឯងអោយច្បាស់ មុនសម្រេចចិត្តលើស្នេហាបន្ទាប់៕

(គិតពី to-do lists តែកុំភ្លេចគិតពី to-be lists) #បទពិសោធន៍ជីវិតពិត #ស្នេហា និងការងារ