![](https://blogger.googleusercontent.com/img/b/R29vZ2xl/AVvXsEgE4AheNBDMtXz1NitCuHCOuXYxv3zZXlEJHCwfyGiVHberyLpdNqtallDsVU8zwZVGxBzrcTAOu2cFzqv6WJg2KtW0mfuKSWW4Aoao_NnEDGDXx4SriK1YobbmP6uVAR_ZKrQStdOelKUj-ZHzSSOOIr07-hPCVCLtfhlKq5KeFA0ELegX3yMYSP0mNg/s1600/Thumbnail.jpg)
សិល្បៈ
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី ១៧ ខែមករា ឆ្នាំ២០២៣នេះ បានចែករំលែកឱ្យដឹងអំពីចៅស្រីច្បងរបស់សម្ដេច ក្រោយពីទទួលសញ្ញាបត្រថ្នាក់បរិញ្ញាបត្រ ដែលជាមួយគ្នានោះសម្ដេចបានសម្ដែងការអបអរសាទរ តែក្នុងនោះសម្ដេចក៏បានគូសបញ្ជាក់ថា កម្រិតនេះនៅមិនទាន់ចប់ទេ ខណៈសម្ដេច និងសម្ដេចភរិយាចង់បានទាបបំផុតគឺបរិញ្ញាបត្រជាន់ខ្ពស់។
សម្ដេចបានថ្លែងសារឱ្យដឹងទាំងស្រុងតាមរយៈទំព័រហ្វេបុកផ្លូវការថា៖ «ថ្ងៃនេះចៅស្រីច្បងទទួលសញ្ញាបត្រថ្នាក់ បរិញ្ញាបត្រជាមួយការអបអរសាទរពីជីដូន ជីតានិងក្រុមគ្រួសារ។ មិនទាន់ចប់ទេចៅបរិញ្ញាបត្រជាន់ខ្ពស់ (អនុបណ្ឌិត)ទាបបំផុត និងគោលដៅគឺ ថ្នាក់បណ្ឌិត។ ការចង់បានរបស់ជីដូនជីតាគឺចៅទាំងអស់ ត្រូវតែមានបរិញ្ញាបត្រជាន់ខ្ពស់ទាបបំផុត និងថ្នាក់បណ្ឌិតជាគោលដៅខ្ពស់បំផុត។»
សម្ដេចតេជោ បានបញ្ជាក់បន្ថែមទៀតថា៖ «នេះជាការកំណត់គោលដៅនៃគ្រួសារ ដែលសាមីខ្លួនចៅម្នាក់ៗ និងឪពុកម្តាយ ពួកគេត្រូវខិតខំក្រោមការតម្រង់ទិសពីខ្ញុំផ្ទាល់ដែលជាមេគ្រួសារ»។
បន្ទាប់ពីឃើញសារមួយនេះ បងប្អូនមហាជនបានសម្ដែងការត្រេកអរ និងអបអរសាទរយ៉ាងច្រើនកុះករចំពោះចៅស្រីច្បងរបស់សម្ដេច ដោយលើកឡើងថា៖ «ចៅស្រីសម្ដេចឆ្លាតវៃ និង ពូកែ ចៅពេជ្រ ជាគ្រាប់ពេជ្ររបស់លោកតា លោកយាយ»។ ជាក់ស្ដែងកាលពីចុងខែកញ្ញា ឆ្នាំ២០២២ សម្តេចតេជោ ហ៊ុន សែន ក៏បាននាំចៅស្រីរូបនេះទៅជាមួយផងដែរ ដើម្បីឲ្យរៀនធ្វើការ ក្នុងឱកាសអញ្ជើញចូលរួមមហាសន្និបាត UN បំពេញទស្សនកិច្ចនៅគុយបា និងចូលរួមបុណ្យស-ពលោក អាបេ។
![](https://blogger.googleusercontent.com/img/b/R29vZ2xl/AVvXsEiGXFCfetadDWxyyLBzky66CHrUIeoX-CZ9T1Vlf52B6e9J8TiPqPPUHNT7GhvHOLhU9Fjwh5x-2GIK0DRPpSmvGgOMBA0JutZSu41eDN17PTw9JUuhqBc3yXfYEryr1XmwLmsWNOsnU8etBfDkybDmcI7HF8PC2KuJi_Mpz5rfq6sONbzGhPumTDoLYw/s1600/888%20%281%29.jpg)
![](https://blogger.googleusercontent.com/img/b/R29vZ2xl/AVvXsEjldTR4e9KzrXYF12ANWhC1lx8Q25FOz8JwgkiDQ-IuXryYCFnZQt8jk9unXEkPs2Ao3nNdM_OlXTQBYdCCxOKuiqv59AdqpkB2-EgSpixGIOMRniM3BVTiQeVY8BEUQgGrPdVWYZMITjwscJWex2ucIm37FeKYFNtWApLDeWobvQ5zV1fn1EXLFpn32Q/s1600/888%20%282%29.jpg)
![](https://blogger.googleusercontent.com/img/b/R29vZ2xl/AVvXsEhjWzp_vsFCTBpvo7QonSMflFpYIANu8J-k6ATgd4-nY3l-rGIFHlzk6D8WE0IuXAk4yGks3scccM1qaFQ1lfAnQwLqMpkXyh1riyQYdq-r71uufk3OiRwhBynKbfC-5Yu-xX_t9mZsiWlWnGqKmULEzyIWjcuTtnQyoOiW-XFQtNBnwQ3hnJggBoMoFQ/s1600/888%20%283%29.jpg)
![](https://blogger.googleusercontent.com/img/b/R29vZ2xl/AVvXsEiBy-9gu3D7ePAgc0lyVyFsULWwBiFGe77OOCKCCY6dNXmkTeC1LdyLw8jmUFxjFsqkFve7UGtodtRiwdozuHjulo8VdERwlDl0uw9_ENCOf1W6yeHY6W3n55ZQ5he4kiEVufhEG3YlORuNWSPnuq6it7eIvqvgXDsOK9u_HaGVeKNg6slY1KU13y-hBg/s1600/888%20%284%29.jpg)
![](https://blogger.googleusercontent.com/img/b/R29vZ2xl/AVvXsEiOm4KcqPZtR1bVyKfwp-vTkagZTg7iS-vjrWce0T7K9GOnm41dbJnFWNkgH7k60dNaz87ikCIfTxUL1qc1zEp6IujtQSrHvN3llGtQRVBiw3W8-B49RhSVx5lWGghdfwcYnAMA7PtY9S2RO1HEkIBk8l70c1HmVK5wjOcW0ZmVaGMGDcVVxEuuYL_cmQ/s1600/888%20%285%29.jpg)
![](https://blogger.googleusercontent.com/img/b/R29vZ2xl/AVvXsEjrCYJ7FCffwEg1byNfuVQ46hhahJYB-z_7HyS89W0LsNbNidXCtFn70MQmNNQlVyMEbPD86OiK0dqarwiwut3wa63DcZfZm-zPAMRc4RXVD7p6QZdhFWZX_kOoP3TTgstokZANtgb0Caelhj_MryRcliPX01uxJ3gE47ZI9SF40oRtrg3L_M1aSHgg_w/s1600/888%20%286%29.jpg)
![](https://blogger.googleusercontent.com/img/b/R29vZ2xl/AVvXsEg30916alZkk88Y3SkxJfjeJ2uxViyUO8yl9oprKqViwcyUliF2mhzDyn_oF2WnqJMP-4Gc743KUm8sqlgZjUGpRQEzAGgZo5toipvHLEjgNPiDNdD4ZrxeULsZjUkaZowuTNtzNijDxDjYxznM94FM8xMBEc6DpIPyhbmL84CMxjyTfc2bvBc_4qp0dw/s1600/888%20%287%29.jpg)
![](https://blogger.googleusercontent.com/img/b/R29vZ2xl/AVvXsEjFv6tMoHr2lMOsWneK8G3MdgmxZyD095Dt-LDk90wwy-v75M10i7cGlwD3jQxueFXkWMg7qV1ZyLVOB27c9GPakJCz_giuEe4JDS1M4hXdE4KBQXNKVhZwJDVnqYgr2GmmNyb9X6rnHbs6-XiqTJACRnpf_9OEL1Cdknaz84Ys91qG3yvW21_m0yM7-A/s1600/888%20%288%29.jpg)