សង្គម
ឃ្លាតឆ្ងាយពីអាជីពសិល្បៈជាច្រើនឆ្នាំពេលនេះអតីតតារាសម្តែងរូបស្រស់ សាត រស្មី បាន សម្រាលកូនស្រីម្នាក់ដែលមានមុខមាត់គួរឱ្យស្រឡាញ់ក្រោយនាងបានភ្ជាប់ស្នេហ៍ជាមួយក្មួយ ប្រុសតារាចម្រៀង ព្រាប សុវត្ថិ លោក ឆាយដា ពិសិដ្ឋ ។
មានការចាប់អារម្មណ៍ក្រោយពីថ្មីៗនេះគេបានឃើញអតីតតារាសម្តែងរូបស្រស់ម្នាក់នេះបាន បង្ហាញមុខកូនស្រីដ៏គួរឱ្យស្រឡាញ់ម្នាក់ដោយអះអាងថាជាកូននាង។ ក្នុងនោះ សាត រស្មី បានបង្ហាញរូបភាពជាលក្ខណៈគ្រួសារជាមួយគូស្នេហ៍ដែលមើលទៅពិតជាមានក្តីសុខជាខ្លាំង ។
ជាមួយនឹងការសាទរក៏មានការត្រេកអរព្រោះមិននឹកស្មានថាគូស្នេហ៍មួយគូនេះអាចសាងស្នេហ៍រឹងមាំរហួតមានកូនដ៏គួរឱ្យស្រឡាញ់ជាចំណងដៃបែបនេះឡើយ។ បើទោះមានកូនទៅ ហើយក្តី តែអតីតតារាសម្តែង សាត រស្មី នៅតែមានសម្រស់ស្អាតផូរផង់មិនប្រែប្រួលពីប៉ុន្មាន ឆ្នាំមុនឡើយ ។
គេចាំបានថា សាត រស្មី ធ្លាប់ជាតារាសម្ដែងស្រីដែលទទួលបានប្រជាប្រិយភាពខ្ពស់នា ពេលកន្លងមកដោយនាងលេចមុខនៅក្នុងការសម្តែងរឿង និងMV មួយចំនួន ។ ប៉ុន្តែក្រោយ មក សាត រស្មី ក៏បានដកខ្លួនពីអាជីពមួយនេះក្រោយមានទំនាក់ទំនងស្នេហាជាមួយក្មួយ ប្រុស ឧកញ៉ា ព្រាប សុវត្ថិ ដែលធ្វើឲ្យមហាជនចាប់អារម្មណ៍គ្រប់គ្នា ។ សាត រស្មី ក៏ ធ្លាប់ជា អតីតភរិយារបស់អតីតអ្នកប្រដាល់ដ៏ល្បីលោក ជា ស្រួច ផងដែរ ៕
