សិល្បៈ
ស្ងាត់ៗប្អូនស្រីពៅដ៏ស្រស់ស្អាតរបស់តារាពហុជំនាញ ខាត់ សុឃីម ខាត់ ណាចា បានដឹកដៃ គូស្នេហ៍ភេទដូចគ្នា ត្រៀមឡើងគេហដ្ឋានថ្មីនិងសម្ពោធហាងសាឡន នៅថ្ងៃទី ០៦ ស្អែក នេះដែលធ្វើអ្នកលេងបណ្តាញសង្គម ជាពិសេសមហាជនដែលស្រឡាញ់និងចូលចិត្តគ្រួសារ ត្រកូល ខាត់ មានការចាប់អារម្មណ៍ខ្លាំង ។
ខាត់ ណាចា ត្រូវបានគេស្គាល់ថាជាប្អូនស្រីរបស់តារាពហុជំនាញ ខាត់ សុឃីម ។ អ្វីដែល កត់សម្គាល់បើទោះមានសម្រស់ស្រស់ស្អាតនឹងមានសមត្ថភាពចេះច្រៀងដូចបងៗកី្ត តែ ខាត់ ណាចា បែរជាចាប់អាជីពជាជាងសាឡន ដោយទទួលបានជោគជ័យទាំងវ័យក្មេងទៀតផង ។ យ៉ាងណាមិញនៅក្នុងថ្ងៃទី ០៦ ស្អែកនេះ ខាត់ ណាចា និងគូស្នេហ៍ត្រៀមនឹងឡើងផ្ទះថ្មីផ្គួប ជាមួយហាងសាឡនរបស់ខ្លួន ។
គេហដ្ឋានថ្មីរបស់ ខាត់ ណាចា មានទីតាំងនៅបុរីម៉ឺនជ័យ ចោមចៅ២ដោយក្នុងលិខិតអញ្ចើញមានដាក់ឈ្មោះ ខាត់ ណាចា និងគូស្នេហ៍ដែលមាន ឈ្មោះថា ឯក ស៊ីវខេង ។
ខាត់ ណាចា ត្រូវបានគេស្គាល់ថាជាប្អូនស្រីពៅរបស់ ខាត់ សុឃីម ដែលមានសម្រស់ស្អាត ផូរផង់ហើយក៏មានបុរសមិនតិចទេចង់ក្លាយជាប្អូនថ្លៃរបស់អ្នកនាង ខាត់ សុឃីម ប៉ុន្តែគួរឱ្យ ស្តាយសព្វថ្ងៃ ខាត់ ណាចា មានដៃគូហើយដោយពួកគេបានរួមរស់ ក្រោមដំបូលតែមួយដូច ប្តីប្រពន្ធដោយមិនមានការលាក់លៀមអ្វីឡើយ ៕
