សិល្បៈ
ក្រោយពីមានការចាប់អារម្មណ៍ទៅលើកីឡាករប្រដាល់គុនខ្មែរ ព្រំ សំណាង ផ្ដួ..លគូប្រកួតកីឡាករអង់គ្លេស Thomas Carpenter ឱ្យស..ន្ល.ប់ត្រឹមទឹកទី ១ នៅសង្វៀន Thai Fight អ្វីដែលមហាជនកាន់តែចាប់អារម្មណ៍ថែមទៀតនោះ គឺទៅលើខ្សែក្រវ៉ាត់តែម្ដង។
មានការជជែកវែកញែកជាច្រើន នៅលើបណ្ដាញសង្គម ទៅលើខ្សែក្រវ៉ាត់មួយនេះ ដែលមើលទៅមានសរសេរជាអក្សរខ្មែរយ៉ាងព្រោងព្រាតនេះ ។ បើតាមទំព័រហ្វេបុករបស់ព្រះតេជគុណ ហាក់ សៀងហៃ មានឈ្មោះ «ពុទ្ធសាសនាដើម្បីការអប់រំនៃកម្ពុជា -BEC» បានបកស្រាយអត្ថន័យនៃពាក្យដែលមាននៅលើខ្សែក្រវ៉ាត់នេះថា ៖
– នមោ ពុទ្ធាយ ៖ សូមនមស្ការថ្វាយបង្គំចំពោះព្រះសម្មាសម្ពុទ្ធ
– ឧ អា ក ស ៖
. ឧ គឺ ឧដ្ឋានសម្បទាៈ ដល់ព្រមដោយការប្រឹងប្រែង
. អា គឺ អារក្ខសម្បទាៈ ដល់ព្រមដោយការថែរក្សា
. ក គឺ កល្យាណមិត្តតាៈ មានមិត្តល្អ
. ស គឺ សមជីវិតាៈ ចិញ្ចឹមជីវិតដោយស្មើ (ចេះចាយវាយ ទុកដាក់)។
គិតជាវិជ្ជមាន៖ អក្សរសាស្រ្ត វប្បធម៌យើង មានឥទ្ធិពលផ្សព្វផ្សាយជ្រួតជ្រាបដល់ប្រទេសជិតខាងយកទៅប្រើប្រាស់ ដូចនេះ បើបានផ្សព្វផ្សាយទៅកាន់ពិភពលោកទៀត កាន់តែល្អប្រពៃ៕
