![](https://blogger.googleusercontent.com/img/b/R29vZ2xl/AVvXsEiQVdHrAyucWf1SLdxy619WGVY6s9kdpeg1JGeicQ09tSAS-rCZ5AyenIaomOt18Vs31cZWDOFcO58RsMD76q0tpBCl_Kp3ozbF1KhIkeC7zKF6MF4GE5jXNTdpZd0vO1ATlXNQNFB7wyFH6za3pBB7ldivrbIepVjBdQe-5FRGPeRSlZZfptCwZxm6ZA/s1600/Thumbnail.jpg)
សង្គម
អ្នកគាំទ្របានបង្ហាញអារម្មណ៍រំភើបក្រោយឃើញវត្តមានរបស់អតីតតារាសម្តែងដែលមានមុខមុខក្រឡង់អ្នកស្រី នារី រ័ត្នគន្ធា នៅប្រទេសកំណើតដើម្បីត្រៀមខ្លួនថតរឿងភាគខ្នាតធំ «អប្សរាមហាអង្គរ»របស់ផលិតករដ៏ល្បីលោក ហ្វៃ សំអាង ជាលើកដំបូងនៅក្នុងខែកុម្ភៈនេះ។
ជឿជាក់ថាអ្នកគាំទ្រប្រាកដជាបានជ្រាបហើយថាអតីតតារាសម្តែងដែលមានឈ្មោះបោះសំឡេងកាលពីអំឡុងទសវត្សឆ្នាំ ៩០អ្នកស្រី នារី រ័ត្នគន្ធា ត្រៀមបង្ហាញវត្តមាននៅក្នុងភាគយន្ត ខ្នាតធំរបស់ទូរទស្សន៍ហង្សមាសក្រោយពីអ្នកស្រីបានបន្សាត់ខ្លួនចេញពីអាជីពនេះទៅរស់នៅ សហរដ្ឋអាមេរិកអស់រយៈពេលជាច្រើនឆ្នាំ ។
អ្វីដែលចាប់អារម្មណ៍សម្រាប់ដំណើរមកស្រុក កំណើតលើកនេះអតីតតារាសម្តែងដែលមានឈ្មោះល្បីល្បាញរូបនេះបានធ្វើដំណើរមកជាមួយកូនប្រុសដែលតាមគម្រោងអ្នកស្រីនឹងនាំកូនប្រុសមកដើរកម្សាន្តតាមតំបន់រមណីយដ្ឋាននានានៅស្រុកខ្មែរដែលមានដូចជាតំបន់មាត់សមុទ្រ ខេត្ត សៀមរាប និង ពោធិសាត់ ជាដើម។ តាមគម្រោងកូនប្រុសរបស់អ្នកស្រីមកស្រុកខ្មែរតែរយៈពេលពីរសប្តាហ៍ប៉ុណ្ណោះ។
ការលេចមុខនៅក្នុងស្រុកកំណើត ជាពិសេសនៅក្នុងការសម្តែងរឿងខ្នាតធំរបស់អ្នកស្រី នារី រ័ត្នគន្ធា បានធ្វើឱ្យមហាជន ជាពិសេសអ្នកគាំទ្រដែលធ្លាប់បានស្គាល់សមត្ថភាពសម្តែងរបស់ អ្នកស្រីមានការរីករាយនឹងទន្ទឹងចង់ឃើញទេពកោសល្យសម្តែងសារជាថ្មីរបស់អ្នកស្រីក្រោយ ខនខានអស់រយៈពេលជិត ២០ឆ្នាំ ។
ជាមួយគ្នានេះក៏មានការសរសើរថាទោះមានវ័យជាង ៥០ឆ្នាំនឹងមានកូនធំទន្ទឹមខ្លួនក្តី តែសម្រស់របស់អតីតតារាសម្តែងរូបនេះនៅតែស្រស់ស្អាត ទៅតាមវ័យមិនប្រែប្រួលពីមុនឡើយ។សូម្បីតែរូបរាងក៏ស្តើងស្អាតបើទោះរស់នៅប្រទេសដែលមានអាកាសធាតុត្រជាក់ក្តី ។
នារី រ័ត្នគន្ធា ធ្លាប់ជាតារាសម្តែងដែលមានឈ្មោះល្បីល្បាញកាលពីទសវត្សឆ្នាំ៩០ ជំនាន់ អ្នកស្រី អម្ពរ ទេវី ពិសិដ្ឋ ពិលីកា ហុក លក្ខិណា និង កែវ កល្យាណ ជាដើម ។ តែអ្នកស្រី បានបញ្ចប់អាជីពនេះក្រោយពីមានស្វាមីនិងកូននៅសហរដ្ឋអាមេរិក។ សព្វថ្ងៃអ្នកស្រីក៏មាន ហាងលក់សម្លៀកបំពាក់ខ្មែរនៅទីនោះ ៕
![](https://blogger.googleusercontent.com/img/b/R29vZ2xl/AVvXsEi4TbSZEQkhzo-m-yFCDxUogCKtlXysigWSBxhxFbbMeiOzxnj4mOnrHUsLzlEzsS-8GsQItbu2AS0maS_5AgC2twRRG-G8YVubO_uWhsQWvTz5SoJJZjmFvihdIrKZlL3oaZVw8T01Q8UPuvR7NGMmtOUweKzNN0tMJSGQw1SAc8sNMwGav4fFKVNHsA/s1600/photo_2023-02-06_22-24-08%20%282%29.jpg)
![](https://blogger.googleusercontent.com/img/b/R29vZ2xl/AVvXsEiXvxw8fhGoIrfzJzmmSqNUVAOeYFReWa17ffs4Ln63bSq-I-AUDF3CslsKtkOUsgBUfUJF14J1z7kWFyKKangx5SpNABOYSS6PWI3C-JFi0sbpJHaSKTCl6wyF6N8_Nsi_4e15pOhFbysOQZNoy8ICOwnQ0hkbzAm0myLI53kgCsk1XryXDiH1nLyNKA/s1600/photo_2023-02-06_22-24-08.jpg)
![](https://blogger.googleusercontent.com/img/b/R29vZ2xl/AVvXsEj7N4Qbw6_8oP__gpEX_ArIxJW3BtSyrJPN-HJAE5wlw9Q1RGtTJvCPJDoEzmSGVPwDBfIeNSjRURJUq9dyWSUSOrjdVMyvOUzhb00AD41IRHo_Cm-gjsQd5bhkP9eWmb0uDbQ-NeF2m69sP2GZWJR-JxdoTPqp1M571Tw4kctK2zOr-21f4gh8dQsAvA/s1600/photo_2023-02-06_22-24-10%20%282%29.jpg)
![](https://blogger.googleusercontent.com/img/b/R29vZ2xl/AVvXsEhKtiwaDeUIU_c9fwHXO_FCwwO3zDeLJDfyBu1rjyFxre7t77Tt2Mxccpt9kTeejHgUC4A6PjzBn59J-WvAy1qk6_3yIOh9kkrd76Lp90CHIDHWas6iAIkZFCcvIgKvoxNPSs8cXrdqqcO4cdo6peG1_4Y8IXuFPBxEsPb9BaSA9t5kHGHwPLfD8MgIbg/s1600/photo_2023-02-06_22-24-10.jpg)
![](https://blogger.googleusercontent.com/img/b/R29vZ2xl/AVvXsEjA4fuJCG8HqCL-rvpdqpVGRob4FRe71L78nnWkcQartcBRs-pXiiN84pdj0OjpuNYQPcSUCQO3khe5otr3sXauRIAC4MS_HFTEBq-Qc1V7MIYIXBaEV11G9MUEGMy6w30nwpc6MqZcs1J0wUJRZJr9SYiN3o8wbppX_MbulSaC8hZ2sm8zkr06xIeEsg/s1600/photo_2023-02-06_22-24-11.jpg)
![](https://blogger.googleusercontent.com/img/b/R29vZ2xl/AVvXsEjW9q8gnTg53KBwNQgmj-iu4gftLSz-riPxJzUZMXsWyXbH-I3MHISJQbACq7Y5aG-tbYRIX9m5ve7G1hj73wO5fuGZ3cKKyLv_jFrjZEIkfJz9kh2KOkhCUBlhUrIoXoabzVWP0U-e9DPwxr7cxi-U28eiu8mHFEdoNWtTQEOZMFOlS-0fJ4WyYCGlyQ/s1600/photo_2023-02-06_22-24-12.jpg)