សិល្បៈ
ក្រោយពីត្រឡប់ទៅសហរដ្ឋអាមេរិកមិនទាន់បានប៉ុន្មានខែស្រួលបួលផងពេលនេះតារាសម្តែងសម្បុរស្រអែមស្រស់ សារាយ សក្ខណ បានត្រឡប់មកស្រុកកំណើតវិញដោយលើកនេះ នាងបានឱ្យកូនៗបន្តការសិក្សានៅស្រុកខ្មែរថែមទៀតផង ។ មានការលើកឡើងថា សារាយ សក្ខណា អាចនឹងមករស់នៅស្រុកខ្មែរក្រោយមានមុខជំនួញជាច្រើននៅទីនេះ ។
ថ្មីៗនេះតារាសម្តែងសម្បុរស្រអែមស្រស់ សារាយ សក្ខណា បានបណ្តើរស្វាមីនិងកូនទាំងពីរ ត្រឡប់មកស្រុកខ្មែរដែលតាមដឹងនាងមកលើកនេះដើម្បីចូលរួមសម្តែងរឿងខ្នាតធំរបស់ទូរទស្សន៍ហង្សមាសរឿង«អប្សរាមហាអង្គរ»ដែលមានការចូលរួមពីសំណាក់តារាល្បីៗស្រីប្រុស ជាច្រើនជំនាន់ហើយតាមគម្រោងរឿងភាគមួយនេះនឹងដំណើរការថតនៅក្នុងខែកុម្ភៈនេះតែ ម្តង។
មិនមែនមានតែមួយរឿងនេះទេអ្នកម្តាយកូនពីររូបនេះក៏មានគម្រោងថតរឿងឱ្យផលិតកម្មសាស្ត្រាហ្វីមផងដែរ ។ ដោយសារតែនៅតែមានទីផ្សារសិល្បៈទើប សារាយ សក្ខណា សម្រេចមករស់នៅស្រុកខ្មែរដោយបាននាំកូនៗមករៀននៅទីនេះតែម្តង ។
អ្វីដែលកត់សម្គាល់មកស្រុកកំណើតលើកនេះ សារាយ សក្ខណា ក៏ត្រៀមបង្កើតជំនួញថ្មី បន្ថែមពីលើអាជីវកម្មរបស់នាងដែលមានដូចជាហាងកែសម្ជស្ស ហាងកាហ្វេ និងអចលន ទ្រព្យជាដើម ។ ក្នុងនោះក៏មានការសរសើរដល់ សារាយ សក្ខណា ដែលមានស្វាមីយល់ ចិត្តពោលមិនមានការរារាំងដល់អាជីពសិល្បៈហើយថែមទាំងមករស់នៅស្រុកខ្មែរជាមួយថែមទៀតផង ។
បើតាមគម្រោង សារាយ សក្ខណា អាចចុះឡើងស្រុកខ្មែរនិងសហរដ្ឋអាមេរិក គ្រាន់តែរស់នៅប្រទេសកំណើតច្រើនជាងព្រោះមានអាជីវកម្មច្រើនទីនេះ ៕
