សិល្បៈ
ក្រោយសម្រាលកូនដំបូងរួចគេសង្កេតឃើញតារាសម្តែង លឹម មួយហ្គិច កាន់ តែមានសម្រស់ផូរផង់ហើយរូបរាងទៀតសោតក៏មិនប្រែប្រួលពីនៅលីវប៉ុន្មានឡើយ។អ្វីដែលចាប់អារម្មណ៍គ្រាន់តែកូនចាស់ខែបន្តិចស្រីស្អាតរូបនេះបាន ចេញទៅកម្សាន្តនៅទីក្រុងឌុយបៃ ប្រទេសអារ៉ាប់យ៉ាងរីករាយឃើញហើយពិត ជាមានក្តីសុខតែម្តង។
លឺម មួយហ្គិច កាន់តែមានក្តីសុខក្រោយមានកូនស្រីជាចំណងដៃបើទោះនាង មិនបានរៀបអាពាហ៍ពិពាហ៍នឹងបានបង្ហាញមុខស្វាមីជាសាធារណៈក្តី ។ចុង ក្រោយនេះ លឹម មួយហ្គិច មិនសូវខ្វល់ខ្វាយជាមួយអាជីពសិល្បៈឡើយ ភាគច្រើននាងមមាញឹកជាមួយនឹងការងារភោជនីយដ្ឋានច្រើនជាង ។
អ្វីដែលកត់សម្គាល់ថ្មីៗនេះ លឹម មួយហ្គិច បានទុកកូនស្រីមួយឡែកហើយចេញទៅ ដើរកម្សាន្តនៅប្រទេសអារ៉ាប់ទីក្រុង ឌុយបៃ យ៉ាងរីករាយ។ជាមួយនឹងរូបភាពដ៏ ស្រស់ស្អាតរបស់ម៉ាក់ៗសម័យថ្មីរូបនេះបានធ្វើឱ្យមិត្តភក្តិក្នុងនិងក្រៅសិល្បៈលាន់មាត់សរសើរគ្រប់គ្នា ។
មិនខុសពីមិត្តភក្តិដទៃឡើយស្របពេលកំពុងមានប្រជាប្រិយភាពនៅក្នុងអាជីពសិល្បៈសំងំៗតារាសម្តែង លឹម មួយហ្គិច បានពពោះកូនដំបូងទាំងមិនមាន ចំណងអាពាហ៍ពិពាហ៍។ ប៉ុន្តែយ៉ាងណាតារាស្រីដែលត្រូវគេស្គាល់ជាថៅកែ ភោជនីយដ្ឋានរូបនេះនៅតែបន្តអាជីពសិល្បៈដដែលគ្រាន់តែមិនសូវពេញដៃពេញជើងដូចមុន ។ មានការបង្ហើបថាគូស្នេហ៍របស់ លឹម មួយហ្គិច ជាអ្នករកស៊ី និងមានទ្រព្យធនម្នាក់ដែលមានវ័យប្រមាណជា៤០ស្តើង៕
