សិល្បៈ
ធ្មេចបើកៗអតីតបេក្ខនារីនៅក្នុងកម្មវិធីThe voice kids Cambodia សុខ សុជាតា ពេញវ័យ ១៨ឆ្នាំហើយរូប សម្រស់ទៀតសោតក៏ស្រស់ស្អាតស័ក្តិសមទៅនឹងការតុបតែងខ្លួនបែប យុវវ័យសម័យទំនើបកាន់តែអង្រួនបេះដូងអ្នកគាំទ្រឱ្យលាន់មាត់សរសើរស្ទើរគ្រប់គ្នា ។
មានការចាប់អារម្មណ៍ជាខ្លាំងក្រោយពីបានឃើញតារាវ័យក្មេង សុខ សុជាតា បានបង្ហាញរូប ភាពជាច្រើនសន្លឹកក្នុងឈុតរ៉ូបពណ៌សយ៉ាងស្រស់ស្អាតរួមនឹងការបញ្ជាក់ថា«១៨ឆ្នាំ»ដែល ធ្វើឱ្យអ្នកគាំទ្រជូនពរគ្រប់គ្នា ។ ខ្លះទៀតក៏បានលាន់មាត់សរសើរពីសម្រស់របស់តារាវ័យក្មេង រូបនេះដែលកាន់តែមានភាពប្រែប្រួលស្រស់ស្អាតតាមបែបយុវនារីពេញវ័យ។
ទស្សនិកខ្លះ និយាយថាខានតាមដានមួយរយៈឡើងភ្ញាក់ពេលឃើញ សុខ សុជាតា ធំលឿនបែបនេះ មើលមិនចង់ស្គាល់ហើយការលេងខ្លួនទៀតសោតក៏អ៊េមមិនធម្មតាដែរ ។
គេចាំបានថា សុខ សុជាតា ធ្លាប់ជាកុមារីតូចច្រម៉ិចចូលរួម នៅក្នុងកម្មវិធីប្រឡងThe Voice kid Cambodia ឆ្នាំ ២០១៧ ជំនាន់ ឡុង លីគ័ង្គ តែបើទោមិនបានទទួលពានក្តី តែ សុខ សុជាតា ក៏មានឱកាសក្លាយជាតារាចម្រៀងនៅក្នុងផលិតកម្មហង្សមាសដោយបានចេញបទចម្រៀងជាបន្តបន្ទាប់នៅក្នុងទ្រនំយក្សមួយនេះ។
ដោយសារសម្រស់ស្រស់សោភារួមនឹងសមត្ថភាពផងនោះអ្នកគាំទ្រ ជាច្រើនជឿជាក់ថាទៅថ្ងៃអនាគត សុខ សុជាតា ក៏នឹងមានឱកាសបានថត រឿងភាគទូរទស្សន៍ហង្សមាសដែលកាន់តែត្រួសត្រាយតារាវ័យក្មេងរូបនេះឱ្យលេចធ្លោថែម មួយកម្រិតទៀត ៕
