![](https://blogger.googleusercontent.com/img/b/R29vZ2xl/AVvXsEjuPfVXp90EHIhYwFz_7RNN_EH0O6OMPlMHZtKyt4aWptegWeKuSb4c3Eiy_D0kgDCDhQq77DENQiBrF7mXUUy0s0btnJzQT8d3rdGMAn-GlLzRDdMsAarKkqqWqWiHUWJ65Amb-viAOY0gM6GchmYqBbVPBLDYPAewNm_cA8IHPBs_rbva4tRb1OUsuw/s1600/Thumbnail.jpg)
សង្គម
តារាសម្តែងរូបរាងតូចស្រឡូន ទឹម រដ្ឋា បានប្រកាសពពោះកូនដំបូងនៅក្នុងថ្ងៃខួបអាពាហ៍ ពិពាហ៍មួយឆ្នាំនៅក្នុងថ្ងៃទី ០៣ នេះក្រោយលាក់បាំងមួយរយៈដោយសារចង់ឱ្យមហាជន មានការភ្ញាក់ផ្អើល។ អ្វីដែលគួរឱ្យចាប់អារម្មណ៍ទោះប្រកាសត្រៀមខ្លួនធ្វើជាអ្នកម្តាយឆាប់ៗក្តី តែតារាសម្តែងរូបនេះមិនទាន់បញ្ជាក់ភេទកូននៅឡើយទេ ។
មិនត្រឹមតែបង្ហាញរូបភាពដ៏មានសុភមង្គលជាមួយស្វាមី ខណៈត្រៀមខ្លួនទទួលសមាជិកថ្មី ប៉ុណ្ណោះទេ ទឹម រដ្ឋា ក៏បានរៀបរាប់ពីប្រវត្តិស្នេហ៍ត្រូសៗរបស់ខ្លួនតាមបណ្តាញសង្គមថានាង សម្រេចទទួលលោក Jovany Antonio ជាគូស្នេហ៍នៅថ្ងៃទី ២៧មិនា ឆ្នាំ ២០១៦ ។ក្រោយពី ស្រឡាញ់គ្នាបាន៥ឆ្នាំលោក Jovany Antonio បានសុំនាងរៀបការនៅថ្ងៃទី ០៣ មិនា ២០២២ ។ បើគិតមកដល់ពេលនេះអ្នកទាំងពីរបានស្រឡាញ់គ្នាប្រមាណជា៧ឆ្នាំទៅហើយ ។
អ្វីដែល ធ្វើឱ្យតារាសម្តែង ទឹម រដ្ឋា កាន់តែរំភើបនោះគឺពេលនេះនាងទទួលបានចំណងដៃកូនទន្សាយ តូចដែលនាងអះអាងថាជាអំណោយនៃសុភមង្គលក្រោយពីបានតស៊ូស្រឡាញ់គ្នាយ៉ាងពិតប្រាកដជាច្រើនឆ្នាំ ។
ទឹម រដ្ឋា បានបន្ថែមថា «នៅថ្ងៃទី 3 ខែ 3 . 2023 ហើយក៏ជាខែនៃការគម្រប់ខួបអាពាហ៍ ពិពាហ៍រយៈពេលមួយឆ្នាំរបស់ខ្ញុំទាំងពីរនាក់ហើយក៏ជាថ្ងៃដែរយើងទាំងពីរសុំប្រកាស ចែករំលែកជាសាធារណៈទៅកាន់ពុកម៉ែបងប្អូន ថាយើងទាំងពីរកំពុងតែទទួលបាននៅកូន ទន្សាយ មួយជាចំណងដៃនៃអាពាហ៍ពិពាហ៍ដ៏មាននយ័ក្នុងជិវិតមួយនេះហើយយើងទាំងពីរ ពិតជាមានមោទនភាពខ្លាំង ដែរមិនមានអ្វីអាចប្រៀបផ្ទឹមបាន ព្រោះយើងទាំងពីរបានក្លាយជា ប៉ានិងម៉ាក់ឆាប់ៗខាងមុខនេះហើយ។ លើសពីនេះទៀតនោះ ទឹម រដ្ឋា រំពឹងថាអ្នកគាំទ្រនឹង នៅតែបន្តគាំទ្រក្រុមគ្រួសារនាងជាពិសេសសមាជិកថ្មីដែលនឹងឃើញពន្លឺព្រះអាទិត្យនៅក្នុងពេលដ៏ខ្លីខាងមុខនេះ ។
ដ្បិតប្រកាសពពោះកូនដំបូងក្តី តែតារាសម្តែងរូបរាងស្រឡូនស្អាតរូបនេះនៅមិនទាន់ទម្លាយ ភេទកូនក្នុងផ្ទៃនៅឡើយទេ ។ ប៉ុន្តែយ៉ាងណាអ្នកគាំទ្រក៏ដូចជាមិត្តភក្តិក្នុងនិងក្រៅសិល្បៈ ជាច្រើនបានបង្ហាញអារម្មណ៍រីករាយនិងជូនពរនាងនិងកូនក្នុងផ្ទៃឱ្យមានសុខភាពល្អជាពិសេសសុវត្ថិភាពនៅក្នុងពេលសម្រាល ។ក្នុងនោះក៏មានមហាជនខ្លះបានលាន់មាត់ថាទោះកំពុង ពពោះក្តី តែសម្រស់និងរូបរាងរបស់ ទឹម រដ្ឋា នៅតែទាក់ទាញមិនប្រែប្រួលពីមុនឡើយ៕
![](https://blogger.googleusercontent.com/img/b/R29vZ2xl/AVvXsEivYqa9RFKy19R79ZVdOhZ26PCVEYW61HqULm8nQwq5M0Va5977utxQL4Jp4bB8RVGlzXNay8roRvft0RyzbtH_Msr3OwB4tHwZlbpAK5klTki2UtHBNryWLvXb8dOdQ21kjHFujnBqDRCA4yVXpbcDYdRq4ke45opsYsVo-x2NchsskO_5RPiIAngAGQ/s1600/photo_2023-03-03_09-57-45.jpg)
![](https://blogger.googleusercontent.com/img/b/R29vZ2xl/AVvXsEhTjcmDywowxi0yvXeyw9O_61ORvYDpM4vzXfPGQoP85uGT6SnwX4Ctl-np83DPnd8dkPNC_ygQ3rks5LfIGMaa69eQh9hTMJA_kGvVFotzyXNye4CCoy0QlSzk0fBqZhccBidFIjsNcg3z0AN70F5GmXviJ9EPWaIFVMQp5vQGwosrdGDtZLDcDTn-ZA/s1600/photo_2023-03-03_09-57-46.jpg)
![](https://blogger.googleusercontent.com/img/b/R29vZ2xl/AVvXsEiHnbKPelQeqMC4diu4vmbhWFS_s0c075wKDgjgSy_IFk3A3ShgkR9d6be8GLjCE7YRWhLNTdesOk0qaA51TaY_ulXAU9827NqMNH5eTX8geBXoVdaA_AEb6B4rKkX7hB5_3AGw219SxX68b0bcw97r_N7tAmXBJVVdiObY_QcLBV_rlF1cjOqSaohWjA/s1600/photo_2023-03-03_09-57-47.jpg)
![](https://blogger.googleusercontent.com/img/b/R29vZ2xl/AVvXsEjNOe1ISshZY_wSXrBiHbUyqHBae1lJq67I9StItXZ2L0-VzgOzT8iUTbN7-c9MxXVKAVlUCIfe5Di9dVtWFazbo4KGzNuGIU2mhwapOWQxwFxiP9e7_5BcYORCoqJwmZ_LH4Kqz0cdgnOXDC7QlHuXejwqmajF0Zsi0KoJ77o8HA_DhxDGn1KIlqRbkQ/s1600/photo_2023-03-03_09-57-48.jpg)
![](https://blogger.googleusercontent.com/img/b/R29vZ2xl/AVvXsEiS-ZRLKcnb9Nt8_sriJEqNjg6ALbVnerglVD4QILg_zwJfGkIKvj3L_-fJbzg1Wn4NNNFVGbalGf3DXEZLuOs8JMIdWFIoLv7skZqj8F998uumo5oSNMVTIoaAxilOBjxkRXtJjerG9Kr7Uc_un7pZPgZ-9O77hhVMvVFeEwHYnNPfH-RvIR5zif1ymw/s1600/photo_2023-03-03_09-57-49.jpg)
![](https://blogger.googleusercontent.com/img/b/R29vZ2xl/AVvXsEgeHyx1QSen27ErwTFsJx9KEGuuZm-bZ6UehtWbeYKMl0rRUbjg01XxsHoK--LYdmVOz_PuFm2tmGk2oBT2992PqgRge1XGCp2bM0ONB__646kkeB-0Bxs14UffM80QarUGG_ZoyYyA-LVI1JDOoCfu6jGIBgJxQU7RJ6x3ZdQVFFqO0-j2UlCLZ3OCLg/s1600/photo_2023-03-03_09-57-50.jpg)
![](https://blogger.googleusercontent.com/img/b/R29vZ2xl/AVvXsEhtK4AdTpnglWr4nAhhJ0CKVfjh0oToLBI68IcT5CTL3n7rwSvKi6BNqyv4S7x-o6kz0tVI7JJ59h7rrijrhjm2Fq2QXZjxw5LNJuJOnswanZ-uf7HJ6FWjwcrW9k9jpp0Rs22BVtgAXZ46b8SFJFAyiti2ouq0FtAS2XPVMuZo9mHRnOAR_Fz6ECWBug/s1600/photo_2023-03-03_09-57-51.jpg)