សិល្បៈ
ហាមយកទៅអានដាក់យូធូប
ចុងក្រោយនេះគេសង្កេតឃើញតារាចម្រៀងប្រចាំផលិតកម្មហង្សមាស សួស វីសា តែង បង្ហោះសារសោកសៅនៅតាមបណ្តាញសង្គម។យ៉ាងណាមិញថ្មីៗនេះតារាចម្រៀងដែលមានប្រភពមកពីខេត្តស្វាយរៀងរូបនេះបាននិយាយថាអ្នកនាងនឹងមិនខ្វល់ថាមានអ្នកគាំទ្រចូល ចិត្តឬមិនចូលចិត្តបើពេលខាងមុខអ្នកនាងក្លាយជាស្ត្រីមេម៉ាយ...។សារមួយនេះត្រូវបានលុប ចោលទៅវិញ តែយ៉ាងណាគេមិនច្បាស់ថាជាការដ្រាម៉ានៅក្នុងបទចម្រៀងថ្មីរបស់ សួស វីសា ឬបែបណាឡើយ ។
ក្រោយពីផ្អាកការងារសិល្បៈមួយរយៈពេលនេះតារាចម្រៀង សួស វីសា ក៏ចាប់ផ្តើមវិល មកច្រៀងជាថ្មីដោយបានចេញបទចម្រៀងជាបន្តបន្ទាប់ ។ ជាក់ស្តែងសព្វថ្ងៃនាងក៏កំពុង មមាញឹកថតបទចម្រៀងថ្មីៗនិងMVសម្រាប់អបអរពិធីបុណ្យចូលឆ្នាំខ្មែរនាពេលខាងមុខនេះ។ អ្វីដែលធ្វើឱ្យហ្វេន ហ្វេន មានការចាប់អារម្មណ៍នោះចុងក្រោយនេះគេសង្កេតឃើញតារា ចម្រៀងដែលនិយមតែងខ្លួនប្លែកៗ សួស វីសា តែងបង្ហោះសារសោកសៅជាហូរហែហើយ ថ្មីៗនេះអ្នកនាងថែមទាំងប្រកាសចង់ក្លាយខ្លួនជាស្ត្រីមេម៉ាយថែមទៀត ។
សួស វីសា បានបង្ហោះសារកាលពីថ្ងៃទី០២កន្លងទៅថា«ពីដើមមកខ្ញុំមានឈ្មោះដោយសារ សមត្ថភាពខ្ញុំមិនដែលបង្កើតរឿងដើម្បីចង់ល្បីទេក៏មិនដែលមានរឿងអាស្រូវដែរ តែបើពេល ខាងមុខខ្ញុំសម្រេចចិត្តថានឹងក្លាយខ្លួនជាស្រ្តីមេម៉ាយហើយអ្នកទាំងអស់គ្នាលែងចូលចិត្តខ្ញុំលែងគាំទ្រខ្ញុំក៏តាមចិត្តខ្ញុំសុំមិនខ្វល់ទេព្រោះគ្រប់យ៉ាងខ្ញុំជាអ្នកជ្រើសហេតុនេះខុសឬត្រូវខ្ញុំជាអ្នក ទទួលខុសត្រូវគ្រប់យ៉ាងមានហេតុនិងផលការអត់ទ្រាំមានដែនកំណត់គេថាកែអ្វីអាចកែបាន តែបើកែសណ្តានគឺមិនបានទេ»។ប៉ុន្តែយ៉ាងណាសារមួយនេះត្រូវបាន សួស វីសា លុបចោល ទៅវិញ។
លើសពីនេះទៀតនោះ សួស វីសា បានបង្ហោះសារជាបន្តបន្ទាប់ថា «មានតែខ្លួនឯង ទេដែលយល់ពីខ្លួនឯងច្បាស់!ហើយមានតែខ្លួនឯងទេដែលអាចកំដរខ្លួនឯងបានដល់ទីបញ្ចប់អរគុណខ្លួនឯងដែលអាចដើរកដល់ចំណុចនេះ»«ជួបគ្នាជានិស្ស័យបែកគ្នាជាព្រហ្មលិខិត លើលោកនេះគ្មានអ្វីទៀងទាត់ទេ»។
សារជាហួរហែរបស់ សួស វីសា គេមិនច្បាស់ចាជាការដ្រាម៉ានៅក្នុងបទចម្រៀងថ្មីឬក៏ជា រឿងផ្ទាល់ខ្លួនឡើយ ។ ខណៈហ្វេន ហ្វេន លើកឡើងថាប្រសិនគ្រាន់តែជាការដ្រាម៉ា ហេតុអ្វី តារាចម្រៀង សួស វីសា ចាំបានលុបចោលធ្វើអ្វី? កន្លងមក សួស វីសា នីងស្វាមីលោក ថមមី ដែលរហស្សនាមថាកាប៉ាកឡាក នោះតែងបង្ហាញភាពរីករាយជាមួយភរិយាតាមរយៈការ ឡាយវីដេអូលក់ផលិតផលនានាដូចមិនមានរឿងអ្វីរកាំរកូសឡើយ ។ ការពិតយ៉ាងណានោះ មានតែរង់ចាំការបកស្រាយបន្ថែមពីតារាចម្រៀង សួស វីសា ៕
