![](https://blogger.googleusercontent.com/img/b/R29vZ2xl/AVvXsEgBldc7zi0l30WPiIRKFCLaG0XCE6boz1aqSdzT_Ld30b22vhPJtN5rctd7wHOGlyEnmgUVS7kYRkOsfbwFtnmeBbHPKS6NYkPRQ-fsHkImeBRXxka42cuzeuEgAeb04hEKkQVM1FIhztD8T7lpldyL2FIMmuNWO75tDUXb2Izcqovgf9mgOGlTvNGckA/s1600/Thumbnail.jpg)
សិល្បៈ
មានការភ្ញាក់ផ្អើលជាខ្លាំងដោយស្ងាត់ៗតារាចម្រៀងលោក ខាន់ ជែមស៍ បានបណ្តើរកូនស្រី ច្បងកញ្ញា អេមមី ចូលផលិតកម្មរបស់អ្នកឧកញ៉ា ឡេង ណាវ៉ាត្រា ទាំងលោកមានផលិតកម្ម ផ្ទាល់ខ្លួន ។ទស្សនិកជនជាច្រើនបានបង្ហាញក្តីត្រេកអរនឹងរំពឹងថាលោក ខាន់ ជែមស៍ និងកូន ស្រីនឹងមានស្ទីលប្លែកៗសម្រាប់អ្នកគាំទ្រនៅក្នុងផលិតកម្មថ្មី។
ខ្លះទៀតលើកឡើងថាផលិត កម្មហ្គាឡាក់ស៊ីនឹងកាន់តែខ្លាំងខណៈពេលនេះប្រជុំទៅដោយតារាចម្រៀងល្បីៗច្រើនរូប។ នៅតែមានការងឿងឆ្ងល់ពីសំណាក់មហាជន ខណៈលោក ជេមស៍ មានទ្រនំផ្ទាល់ខ្លួនហើយ តែបែរហក់ចូលផលិតកម្មហា្គឡាក់ស៊ីទៀត។
គេចាំបានថាក្រោយពីបញ្ចប់កិច្ចសន្យាជាមួយផលិតកម្មសាន់ដេ តារាចម្រៀងដែលធ្លាប់មាន ប្រវត្តិជាកម្មករនេសាទត្រីនៅប្រទេសថៃលោក ខាន់ ជេមស៍ បានសម្រេចបើកផលិតកម្មផ្ទាល់ ខ្លួនដោយបានដាក់ឈ្មោះថា Khan James Productions ដែលកន្លងមកលោកនិងកូនប្រុស ស្រីក៏បានចេញបទចម្រៀងជាបន្តបន្ទាប់នៅក្នុងផលិតកម្មមួយនេះ ។ ប៉ុន្តែអ្វីដែលកត់សម្គាល់ សំងឺៗតារាចម្រៀង ខាន់ ជែមស៍ បែរជាដឹកដៃកូនស្រីក្រមុំចូលផលិតកម្ម ហ្គាឡាក់ស៊ីទាំងមិន ដែលផ្តល់ដំរួយអ្វីដែលធ្វើឱ្យមហាជនជាអ្នកគាំទ្រមានការភ្ញាក់ផ្អើលខ្លាំង ។
ពិធីស្វាមគន៍តារាចម្រៀង ខាន់ ជែមស៍ និងកូនស្រី អេមមី ចូលគ្រួសារហ្គាឡាក់ស៊ីក៏រៀបចំ ឡើងយ៉ាងអធីកអធមកាលពីថ្ងៃទី ០៣ម្សិលមិញនេះនៅHyatt Regency Phnom Penh នឹង មានការចូលរួមពីសំណាក់តារាប្រុសស្រីនៅក្នុងនិងក្រៅផលិតកម្មជាច្រើនកុះករ ។
មិនត្រឹម វត្តមានតារាចម្រៀង ខាន់ ជេមស៍និងកូនស្រីប៉ុណ្ណាះទេ នៅមានលោក សុវត្ថិ មុនីវណ្ណ ក៏ជា តារាចម្រៀងចំណូលថ្មីនៅក្នុងផលិតកម្មហ្គាឡាក់ស៊ីផងដែរ ។លោក ខាន់ ជេមស៍ និងកូនស្រី បានបង្ហាញអារម្មណ៍រីករាយ ដោយបានរួមការងារជាមួយតារាចម្រៀងរៀមច្បង ព្រាប សុវត្ថិ ក៏ជា ដូច ខេមរៈ សិរីមន្ត និងលោក ខេម ផងដែរ ។
អ្នកគាំទ្ររំពឹងថាវត្តមានរបស់ម្ចាស់បទ«សម្រែកបេះដូង» នឹងកាន់តែធ្វើឱ្យផលិតកម្មរបស់អ្នក ឧកញ៉ា ឡេង ណាវ៉ាត្រា លេចធ្លោមួយកម្រិតទៀតព្រោះលោក ខាន់ ជែមស៍ ក៏ជាតារាចម្រៀង ជើងចាស់ម្នាក់ដែលទទួលបានការស្រឡាញ់ពេញចិត្តពីសំណាក់មហាជនជាច្រើនតាមរយៈ បទចម្រៀងពិរោះៗរបស់លោកនាពេលកន្លងមក ៕
![](https://blogger.googleusercontent.com/img/b/R29vZ2xl/AVvXsEgPjZmKNUgY0T5c0O3qg1Vge7A_BLZ0_J3bsHZTaiyTWlmWM5w0V9-8C96Mgf_pNBAMePRwgrAv-2Lquuc3jyUtViBiCdcdyCYYJLk_6MT3k6QJF9SVUccfw6i21AeJJf-GEZQsQhtFz67nijwRNml0ZPF-Pg1JrY0JXopsg0X2xmqEmTCvNPOGc9rUqA/s1600/photo_2023-03-04_12-05-04.jpg)
![](https://blogger.googleusercontent.com/img/b/R29vZ2xl/AVvXsEgg04wFpXLjNUxIJTOr5UoytBnf-hCujrTAppGexN3Z5NcRdTcu25zBS2zE1wIwmjn3EECEmxkpfwO_9yEqzxHIvEKRx-WZidaAPMPm2lrdNX95srN7Df0FeGW03SawkUVxqPNkhPV833dxgYHcf4ymWdXl02BgOHVytQkYDnBIbLDpT4YOcyeW_iqiPA/s1600/photo_2023-03-04_12-05-05.jpg)
![](https://blogger.googleusercontent.com/img/b/R29vZ2xl/AVvXsEirXaVm0yhpkkc7SV1gUf685Hav3LDux-Mn1cvrYYP0gZWIsJLy4KMp8puMFbAJSUlat34DkTCdaZgYESBC1eUuD7en34bQ01UAoctRHI9U3dJ1KtmsgmcEUWMqDAf0Y88bSgJTSmu-fBy0e8J-tJke0O1lc0an3B5S5OBAwmnpWqZ4DZ4gH5UCJ2o-yw/s1600/photo_2023-03-04_12-05-06%20%282%29.jpg)
![](https://blogger.googleusercontent.com/img/b/R29vZ2xl/AVvXsEhy5J8J13Kmkqmoq7N44Z5TTXQLIDLwM1fSx4sqVAdRxSYedGGrTMILhlNpP2mHMBZ2EGVFZN9S0m6QpAN3RBf8VsXsEKMYO12BqKStonx6VrnqSr5Jy3AkL7ea4CMgv-yuIDH-sPanIZefx066Ka_E10v_Wl93ZUPhRNFTLNG-jO4mfEeQTY5heLfVbA/s1600/photo_2023-03-04_12-05-06.jpg)
![](https://blogger.googleusercontent.com/img/b/R29vZ2xl/AVvXsEh6i1SaWUhAxyCexeUDsup8QMk9XKWAExiDWErxlVoKUqFLK0KoefLiwPcqMe1Mx8v3Hw61t2ScOOKGSclRYTbw7vRDA80rGac2sVt5SNh4w8Nsuw_4S7FZbmgsW5DGjOAW5aLmWP08vFw6f1OAdJDRzL8GdyyEmQiFHV1hr-BdByJMaE7u2AF780_Lfg/s1600/photo_2023-03-04_12-05-08.jpg)
![](https://blogger.googleusercontent.com/img/b/R29vZ2xl/AVvXsEipN7s2m-C1PGME_Pca_PRGA1VeoxGZMezoCKrVV_jZJSTIN9NTZmxk4MZHVnk4cLUfMR4hheO2sGA_ZV0vsGeCDj0mBiopf1zRq64ebw3SH5L_6lS8ddAaFqs_3MwFGbb-lWbUe_8FpDfI9thAHHdJxuOzKS1FDeF_1GHaqqz3vACVIp5Nh2rj5qFsFg/s1600/photo_2023-03-04_12-05-09%20%282%29.jpg)
![](https://blogger.googleusercontent.com/img/b/R29vZ2xl/AVvXsEhmhWt5acUs9PcOfzdTgo0dGP7orqTAxo-VKNueUpGTSSY6mcG1wN9RSijYUAeP8D2tBapgkeR9zdkKzDJU25omm759ehPL0DgP5wbKsxzYK4_bKm0jVtDJhpEq1H_RvKt3P9dL8Si7D-XWuQ-UO_nPhOoGV2cy13s8xzpkkfM4MVd-b5jwh1x4kFSyVg/s1600/photo_2023-03-04_12-05-09.jpg)
![](https://blogger.googleusercontent.com/img/b/R29vZ2xl/AVvXsEir7P4uemZrOSebETFL0DYnZK17hB93a2KLzxWMBkbzmo9EhqHs_2pc4xFufGq_7gEZcyHn2OdJt3RlQCfBOCt7LtufO6_UdHtPBlShBghycledx1SxbAtpVuaCBwBzkX536KYz3oLoKTn-KloA0POTMpSpRj5szV2ZjAM9QfwNPAw_jltTVi5zInB1hg/s1600/photo_2023-03-04_12-05-10.jpg)