សង្គម
បើទោះបីជារឿងភាគបុរាណខ្នាតធំ «អប្សរាមហាអង្គរ»ចាប់ផ្តើមដំណើរការថតទៅហើយក្តី តែគេនៅតែមិនឃើញវត្តមាន អតីតតារាសម្ដែងអំឡុងទសវត្សន៍៨០ និង៩០អ្នកស្រី អម្ពរ ទេវី មកស្រុកខ្មែរនៅឡើយធ្វើឱ្យមហាជនជាអ្នកគាំទ្រអន្ទះសារចង់ដឹងថាតើអ្នកស្រីនឹងនៅតែចូល រួមថតរឿងភាគបុរាណនេះឬបែបណា ។
គេចាំបានថាតារាប្រុសស្រីជាច្រើនរូបរួមទាំងអ្នកស្រី នារី រ័ត្នគន្ធា បានលេចមុខនៅក្នុងថ្ងៃ សម្ពោធរឿង«អប្សរាមហាអង្គរ»យ៉ាងអធិកអធមកាលពីខែកុម្ភៈកន្លងទៅ ហើយសព្វថ្ងៃរឿង នេះភាគបុរាណនេះក៏ចាប់ផ្តើមដំណើរការថតហើយដែរ ។ ប៉ុន្តែអ្វីដែលចាប់អារម្មណ៍គេមិន ទាន់ឃើញវត្តមានអ្នកស្រី អម្ពរ ទេវី នៅឡើយទេ ។
ប៉ុន្តែបើតាមប្រភពគួរឱ្យទុកចិត្តមួយបាន និយាយថាអ្នកស្រី អម្ពរ ទេវី នៅតែជាតួសំខាន់មួយនៅក្នុងរឿងភាគនេះដែលអ្នកស្រីនឹងមក នៅក្នុងខែតុលាខាងមុខនេះអាចនិយាយថាអ្នកស្រីមកដល់សម្តែងតែម្តង។ តាមគម្រោងឈុត របស់អ្នកស្រី អម្ពរ ទេវី ត្រូវសម្តែងមានរយៈពេលប្រមាណជាងមួយខែ ។
មិនមានការបង្ហើបពីតម្លៃខ្លួនរបស់អ្នកស្រី អម្ពរ ទេវី សម្រាប់ការថតរឿងភាគបុរាណខ្នាតធំ មួយនេះឡើយ។ ខណៈអ្នកស្រីសុខចិត្តហោះពីសហរដ្ឋអាមេរិកមកសម្តែងរឿងនេះ ។ គួរ បញ្ជាក់ថារឿងភាគទូរទស្សន៍«អប្សរមហាអង្គរ» មានការចូលរួមទៅដោយតារាល្បីថ្មីចាស់ ជាច្រើនរូបដែលរឿងភាគខ្នាតធំមួយនេះចំណាយពេលថតរហូតដល់ទៅជាងមួយឆ្នាំឯណោះ នឹងមានចំនួន៥០ភាគ។គេចាំបានថាកាលពីអំឡុងឆ្នាំ ២០១៧អតីតតារាស្រីដែលធ្លាប់មាន ឈ្មោះបោះសំឡេង រូបនេះធ្លាប់មកស្រុកខ្មែរដើម្បីចូលរួមថតរឿង«ទឹកចិត្តម្ដាយសម័យថ្មី» របស់អ្នកស្រីពាន់ ភួងបុប្ផា និងរឿង«ឆន្ទា» របស់ផលិតកម្មLD ដែលរឿងទាំងពីរនេះទទួល បានការគាំទ្រពីសំណាក់មហាជនជាច្រើន ៕
