សិល្បៈ
ខណៈការងារសិល្បៈកំពុងមានហាងឆេងនោះពេលនេះតារាសម្តែងរូបស្រស់ ស៊ឹម ស្រីនិច បានដឹកដៃប្អូនស្រីឱ្យដើរតាមគន្លងរបស់ខ្លួនរួមនឹងការជូនពរឱ្យប្អូនស្រីទទួលបានជោគជ័យនៅក្នុងអាជីពមួយនេះថែមទៀត ។
ស៊ឹម ស្រីនិច ត្រូវបានគេចាត់ទុកជាតារាសម្តែងដែលមានប្រជាប្រិយភាពគ្រាន់បើពោលនាង អាចសម្តែងបានយ៉ាងស័ក្តិសមមិនថាជាតួកាចឬតួស្លូតនោះទេ ។ថ្មីៗនេះតារាសម្តែងរូបស្រស់ ម្នាក់នេះក៏កំពុងមមាញឹកនៅក្នុងការថតរឿងភាគបុរាណខ្នាតធំជាលើកដំបូងរបស់ទូរទស្សន៍ ហង្សមាសដែលមានចំណងជើងថា«អប្សរាមហាអង្គរ»។
អ្វីដែលកត់សម្គាល់នៅក្នុងរឿងភាគ មួយនេះតារាសម្តែង ស៊ឹម ស្រីនិច សម្តែងរហូតដល់ទៅបីតួអង្គឯណោះឃើញថាពិតជាលុយ មូលតែម្តង ។ ស្របពេលអាជីពរបស់ខ្លួនកំពុងមានទីផ្សារទូលាយនោះពេលនេះតារាសម្តែង ស៊ឹម ស្រីនិច ក៏បានបើកបង្ហាញមុខមាត់ប្អូនស្រីរបស់ខ្លួនដែលមានឈ្មោះថា ស៊ឹម ស្រីនាថ ឱ្យដើរតាមគន្លងការងារនេះ ។
ប្អូនស្រីរបស់ ស៊ឹម ស្រីនិច មានមុខមាត់ស្រស់ស្អាតតាមបែបយុវវ័យមិនចាញ់បងស្រីប៉ុន្មាន ឡើយ។ ជាមួយនឹងការបង្ហាញផ្លូវប្អូនស្រីនៅក្នុងអាជីពសិល្បៈ ស៊ឹម ស្រីនិច បានភ្ជាប់សារខ្លី ដែលមានអត្ថន័យថា «សូមជូនពរអូនជោគជ័យក្នុងវិថីសិល្ប:តស៊ូអត់ធ្មត់ព្យាយាមបង្កើត សមត្ថភាពហើយត្រូវតែរៀនគ្រប់យ៉ាងមិនឈប់មិនចប់នឹងរៀនទទួលស្គាល់ការពិតសំណាងល្អអូន»។
ជាមួយនឹងការសរសើរពីសម្រស់របស់ប្អូនស្រីតារាសម្តែង ស៊ឹម ស្រីនិច ក៏មានការ ជូនពរប្អូនស្រីរបស់តារាសម្តែងរូបនេះមានឈ្មោះបោះសំឡេងនៅក្នុងអាជីពមួយនេះទៅថ្ងៃអនាគតពីសំណាក់អ្នកលេងបណ្តាញសង្គមផងដែរ ៕
