សង្គម
ក្រោយប្រកាសវិលចូលសិល្បៈជាថ្មីវិញគេសង្កេតឃើញតារាកំប្លែងសម្បូរវោហាស៍ នាងខ្ញុង ចាប់ ផ្តើមមានហាងឆេងវិញមិនថាការកំប្លែង កាត់សក់ ឬថតរឿងនោះទេ ។ ជាក់ស្តែងថ្មីៗនេះតារាកំប្លែងរូបនេះក៏មានឱកាសក្តោបបានតំណែងជាអ្នកតំណាងឱ្យផលិតផលមួយថែមទៀត ។
មួយរយៈមុនតារាកំប្លែង ខ្ញុង បានបង្ហាញអារម្មណ៍សោកសៅតាមហ្វេសប៊ុកដោយបញ្ជាក់ថា «អស់ទាំងផ្ទះហើយត្រូវគេឆក់ប្តីថែមទៀត» ។ ជាក់ស្តែងសព្វថ្ងៃនេះ ខ្ញុង កំពុងរស់នៅផ្ទះជួល តែយ៉ាងណាគេសង្កេតឃើញថាការងារសិល្បៈរបស់នាងកាន់តែរីកទូលាយជាងមុនដោយនាង បានចូលរួមច្រៀងកាត់សក់ លេងកំប្លែង និងសម្តែងរឿងផងដែរ ។ អ្វីដែលកត់សម្គាល់ ថ្មីៗនេះ ខ្ញុង ថែមទាំងទទួលបានតំណែងជាអ្នកតំណាងឱ្យផលិតផលសម្រករបស់ក្រុមហ៊ុនមួយថែមទៀត ។ ប៉ុន្តែតារាកំប្លែងសម្តីចាក់ទឹកមិនលិចរូបនេះមិនបានឱ្យដឹងពីតម្លៃខ្លួនដែល បានទទួលឡើយ ។
ជាមួយនឹងអារម្មណ៍រីករាយដែលបានទទួលតំណែងជាអ្នកតំណាងឱ្យផលិតផលមួយនេះជាលើកដំបូង ខ្ញុង បានបង្ហាញអារម្មណ៍ថា«សុំកំលាំងចិត្តម្នាក់មួយណាបងប្អូន ខ្ញុំសង្ឃឹមថាអ្វីៗដែលខ្ញុំបានបាត់ បង់ ខ្ញុំនឹងយកវាមកវិញឲ្យបានទាំងកិត្តិយសកេរ្តិ៍ឈ្មោះទ្រព្យសម្បត្តិសម្រស់និងសុភមង្គលគ្រួសារ។ ខ្ញុំជឿលើការតាំងចិត្តនិងសមត្ថភាពរបស់ខ្ញុំអរគុណសម្រាប់ការទុកពេលវេលានិងឱកាសឲ្យខ្ញុំ។អរគុណសម្រាប់ការគាំទ្រស្រលាញ់រូបខ្ញុំ។បងប្អូនជាកម្លាំងចិត្តដ៏ធំធេងណាស់សម្រាប់ខ្ញុំ។ សូមអរគុណដល់ម្ចាស់ផលិតផល វីតាមីនសែលសម្របដែលបានយកនាងខ្ញុំជា ប៊ីអេធំ និងមានទំនុកចិត្តនិងភាពជឿជាក់លើខ្ញុំ»។
ការលើកឡើងរបស់តារាកំប្លែង ខ្ញុង ក៏ត្រូវបានអ្នកលេងបណ្តាញសង្គមដែលស្រឡាញ់និង ពេញចិត្តនូវសមត្ថភាពរបស់អ្នកកំប្លែងរូបនេះបានចូលរួមផ្តល់ការលើកទឹកចិត្តនិងជូនពរឱ្យ នាងបានសម្រេចក្តីបំណង ជាពិសេសដោះបំណុលបានក្នុងពេលឆាប់ៗនេះ ។ ក្នុងនោះក៏មានការចង់ដឹងថាតើទំនាក់ទំនងប្តីប្រពន្ធរបស់ នាង ខ្ញុង និងនាយកៃដ ដល់ណាហើយ?ពួក គេសម្តែងធ្វើបែកគ្នាឬបែបណា?
