សិល្បៈ
នៅប្រមាណជាពីរខែទៀតប៉ុណ្ណាះតារាចម្រៀងវ័យក្មេង វីរៈ និច្ច នឹងបានជួបមុខកូនប្រុស របស់ខ្លួនដែលកាន់តែធ្វើឱ្យអ្នកម្តាយវ័យក្មេងរូបនេះអន្ទះសារនឹងពោរពេញទៅដោយអារម្មណ៍រំភើបជាខ្លាំង ។ អ្វីដែលចាប់អារម្មណ៍ថ្មីៗនេះ វីរៈ និច្ច ក៏បង្ហាញរូបភាពបញ្ចេញក្បាលពោះ ដែលធ្វើឱ្យហ្វេន ហ្វេន ជាច្រើនលើកឡើងថា អាយដល នៅតែស្រស់ស្អាតមិនប្រែប្រួលពីមុន ទេ។
ជាមួយនឹងរូបភាពជាច្រើនសន្លឹករបស់ វីរៈ និច្ច និងស្វាមីធ្វើឱ្យអ្នកគាំទ្រជាច្រើនរំភើបជំនួស ហើយខ្លះទៀតក៏បានចូលរួមត្រេកអរដែលតារាស្រីរូបនេះត្រៀមនឹងទទួលសមាជិកថ្មីជាកូន ពូជដែលនឹងឃើញពន្លឺព្រះអាទិត្យនៅក្នុងខែឧសភាខាងមុខនេះ ។ វីរៈ និច្ច បានប្រាប់ថា សព្វថ្ងៃនាងនិងកូនក្នុងផ្ទៃមានសុខភាពល្អជាធម្មតាហើយតាមគម្រោងនាងនឹងសម្រាលកូននៅមន្ទីរពេទ្យឯកជនមួយនៅក្នុងស្រុក ។ ក្រោយមានកូន វីរៈ និច្ច កាន់តែទទួលបានក្តី ស្រឡាញ់និងថ្នាក់ថ្នមពីសំណាក់ស្វាមីទ្វេរដងដែលកាន់តែធ្វើឱ្យតារាចម្រៀងប្រចាំផលិតកម្ម សាន់ដេរូបនេះមានក្តីសុខជាខ្លាំង ។
ចាប់តាំងពីពពោះមក វីរៈ និច្ច បានផ្អាកអាជីពចម្រៀង តែនាងនឹងវិលមកវិញក្រោយសម្រាល រឹងដៃរឹង។ ប៉ុន្តែយ៉ាងណាមានការលើកឡើងថាមិនមានអ្វីចោទជាបញ្ហាទេព្រោះក្រៅពីអាជីព ចម្រៀង វីរៈ និច្ច ក៏មានភោជនីយដ្ឋានជាមុខរបរបន្ថែមទៀតដែរ ។
ក្នុងនោះក៏មានការ សរសើរថានៅវ័យក្មេងមែន តែ វីរៈ និច្ច នឹងស្វាមីជោគជ័យគួរសម ជាក់ស្តែងទើបរៀបការ តែមានលទ្ធភាពទិញរថយន្តទំនើប ផ្ទះវីឡាផ្ទាល់ខ្លួនហើយថែមទាំងមានមុខរបរថែមទៀតពិត ជាមិនធម្មតាមែន៕
