ខេត្តគំរូមែន អភិបាលក្រុងប្រកាសផ្ដល់រង្វាន់២០ម៉ឺន បើអ្នកណាថតរូបបុគ្គលចោលសំរាមនៅតាមទីសាធារណៈបាន

បន្ទាយមានជ័យ៖ ជារឿងមួយដែលមិនដែលមាន ពេលនេះមានហើយនៅខេត្តបន្ទាយមានជ័យ លោក ស្រេង សុផល អភិបាលក្រុងសិរីសោភ័ណ ខេត្តបន្ទាយមានជ័យ បានប្រកាសផ្ដល់រង្វាន់ជាថវិការចំនួន២០ម៉ឺនរៀល ប្រសិនបើអ្នកណាថតរូបបុគ្គលចោលសំរាមនៅតាមទីសាធារណៈបាន។ តាមរយៈសារដែលលោកអភិបាលក្រុងបង្ហោះនៅព្រឹកថ្ងៃទី ២២ ខែមេសា ឆ្នាំ២០២៣ បានលើកឡើងឱ្យដឹងទាំងស្រុងថា៖

រដ្ឋបាលក្រុងសិរីសោភ័ណនឹងជូនរង្វាន់ថវិកា២០ម៉ឹនរៀល (ចាប់ពីថ្ងៃនេះរហូតដល់០៣ ឧសភា ២០២៣) ក្នុងករណីថតរូបបុគ្គល ចោលសម្រាមតាមទីសាធារណៈ ធ្វើឲ្យប៉ះពាល់ដល់សុខមាលភាពពុកម៉ែ និងសោភ័ណភាពក្រុង។