ពេលនេះច្បាស់ហើយតារាសម្តែងលោក អេឡិច ហ្សូរ៉ា បានចេញមុខបកស្រាយការពិតហើយរឿងទំនាក់ទំនងជាមួយតារាសម្តែង និងចម្រៀង ឌី សូនីត្តា ។ ប៉ុន្តែយ៉ាងណាលោកនៅតែចេញមុខអះអាងថានៅតែស្រឡាញ់កូនស្រី ឌី សូនីត្តា អូនស្មាយ៍ ដូចកូនបង្កើតរបស់ខ្លួន ។
មានការចាប់អារម្មណ៍ខ្លាំងក្រោយកាលពីប៉ុន្មានថ្ងៃមុននេះមានការផ្ទុះសារឡើងវិញរឿង ឌី សូនីត្តា និង អេឡិច ហ្សូរ៉ា ក្រោយពីមានការស៊ែរជាចំហពីសំណាក់តារាម៉ូដែល ប្រាសាទ ដាវីន ។លែងស្រពិចស្រពិលោក អេឡិច ហ្សូរ៉ា បានចេញមុខបកស្រាយថា«ជំរាបសួរបងប្អូនពុកម៉ែ តាមបណ្តាញសង្គមទាំងអស់គ្នា។ឃើញថាក្នុងអំឡុងពេលប៉ុន្មានថ្ងៃនេះមានបងប្អូនជាច្រើនបានបញ្ចេញមតិយោបល់ទាក់ទងទៅនឹងបញ្ហាផ្ទាល់ខ្លួនរបស់ខ្ញុំបាទ។សំរាប់បញ្ហានេះផ្ទាល់ ខ្ញុំបាទសូមសំណូមពរបងប្អូនទាំងអស់គ្នា សូមយោគយល់ដល់ពួកខ្ញុំ ដែលជាបុគ្គលសាធារណ ហើយក៏មិនចង់យករឿងផ្ទាល់ខ្លួនយកមកលាតត្រដាងនៅលើបណ្តាញសង្គមជាសារធារណនោះទេ!
ខ្ញុំបាទពិតជាមិនចង់អោយរឿងនេះប៉ះពាល់ដល់កិត្តិយសរបស់មនុស្សជាស្រលាញ់និងក្រុមគ្រួសាររបស់ខ្ញុំឡើយ។សំរាប់ខ្ញុំបាទ នីត្តានិងអូនស្មាយ៍ ខ្ញុំនៅតែស្រលាញ់ពួកគាត់ដូចដើម និងមិនចង់អោយមានបញ្ហាអ្វីដែលអាចប៉ះពាល់ដល់កិត្តិយសរបស់ពួកគាត់ ហើយជាពិសេសទៅទៀតក៏មិនចង់អោយបញ្ហាទាំងនេះប៉ះពាល់ដល់អូនស្មាយ៍ ពេលដែលគាត់ធំឡើងឡើយព្រោះខ្ញុំនៅតែស្រលាញ់គាត់ដូចកូនស្រីបង្កើតរបស់ខ្ញុំ។ចំណែកបង ប្រសាទដាវីន វិញសូមបងប្អូនកុំមានការគិតខុសលើគាត់ ព្រោះទំនាក់ទំនងរវាងក្រុមគ្រួសារយើងដូចគ្រួសារតែមួយ ហើយគាត់ជាបងស្រីដែលតែងតែការពារខ្ញុំ។ អ្វីដែលគាត់បានបញ្ចេញមិតិនៅលើបណ្តាញសង្គមនោះ ក៏ព្រោះគាត់ឃើញសារពត៌មានក្នុងស្រុកមួយបានចុះផ្សាយ ដែលធ្វើអោយបងប្អូនជាច្រើនមានការយល់ច្រលំ និងប៉ះពាល់ដល់កិត្តិយសរបស់ខ្ញុំបាទព្រមទាំងក្រុមគ្រួសារផ្ទាល់ ទើបធ្វើអោយមានការយល់ច្រលំកើតឡើង។ដូច្នេះហើយខ្ញុំបាទផ្ទាល់ សូមការយោគយោលនិងអធ្យាស្រ័យពីពុកម៉ែបងប្អូនចំពោះបញ្ហារទាំងនេះដែលកើតឡើងដោយសារខ្ញុំបាទ។
ខ្ញុំបាទនិងក្រុមគ្រួសារទាំងមូលសូមអគុណពុកម៉ែបងប្អូនដែលតែងតែយកចិត្តទុកដាក់និងគាំទ្រដល់ស្នាដៃការងាររបស់ពួកខ្ញុំកន្លងមក ហើយក៏សូមអគុណបងបងសារពត៌មានដែលតែងតែចុះផ្សាយពត៌មានដែលទាក់ទងទៅនឹងពួកខ្ញុំនិងគ្រួសារ ។ ជាចុងក្រោយ យើងខ្ញុំសូមសំណូមពរដល់បងប្អូនអ្នកសារពត៌មានមួយចំនួនតូច មុននឹងធ្វើការចុះផ្សាយពត៌មានអ្វីមួយ សូមមេត្តាសាកសួរពត៌មានអោយបានជាក់លាក់ពីសាម៉ីខ្លួនផ្ទាល់ ជៀងវាងការយល់ច្រលំនិងប៉ះពាល់ដល់កិត្តិយសបុគ្គល»។
ការលើកឡើងច្បាស់ៗរបស់លោក អេឡិច ហ្សូរ៉ា បញ្ជាក់ថា ទោះ អូនស្មាយ៍ មិនមែនជាកូនបង្កើត តែលោកនៅតែស្រឡាញ់បានធ្វើឱ្យអ្នកគាំទ្រមានការលាន់មាត់សរសើរដល់រូបលោក គ្រប់គ្នា៕