ថ្មីៗនេះ នៅលើបណ្ដាញសង្គមកំពុងមានការចាប់អារម្មណ៍ជាខ្លាំង ខណៈរថយន្តព្រូសមួយគ្រឿងបើកក្នុងល្បឿនលឿន ទំនងជាតាមរថយន្តសង្គ្រោះបន្ទាន់ ធ្វើឱ្យប៉ះពារទៅលើស្ត្រីជាអ្នកធ្វើដំណើរម្នាក់ បណ្ដាលឱ្យដួលម៉ូតូបោកក្បាលទៅនឹងថ្នល់ ហើយមិនបានឃើញម្ចាស់រថយន្តឈប់ដើម្បីមើលនោះទេ ថែមទាំងបើកគេចបាត់តែម្ដង។
ដោយឃើញសកម្មភាពនេះមហាជនបានសម្ដែងការរិះគន់ជាខ្លាំងទៅលើម្ចាស់រថយន្ត រហូតដល់អ្នកលេងបណ្ដាញសង្គមបង្ហោះឱ្យឃើញពីអត្តសញ្ញាណម្ចាស់រថយន្តទៀតផង តែយ៉ាងណាក្រោយពីផ្ទុះការភ្ញាក់ផ្អើលរឿងនេះ ម្ចាស់រថយន្តក៏ចេញមកបកស្រាយឱ្យដឹងផងដែរទាក់ទងនឹងរឿងនេះថា៖
«សួស្តី បងប្អូនក្នុងបណ្តាញសង្គម ទាំងអស់គ្នា។កាលពីថ្ងៃទី 21 ខែ ឧសភា ឆ្នាំ 2023 ខ្ញុំបាទមានកុំដោយអចេតនា បានបើកឡានប៉ះម៉ូតូប្អនស្រីម្នាក់ ដោយខ្ញុំមិនបានដឹង ហើយក៏បន្តដំណើរទៅមើលម្តាយឈឺនៅស្រុក។ លុះដល់ផ្ទះម្តាយក៏មើលឃើញក្នុង faceBook ក៏ឃើញ Comment ជាច្រើនថាខ្ញុំមិនទទួលខុលត្រូវ។ ខ្ញុំក៏ប្រញាប់ប្រញាល់ស្វែងរកជនរងគ្រោះភ្លាម ដើម្បីសង់ជំងឺចិត្តគាត់។ ខ្ញុំក៏បានជួបគាត់ហើយ ហើយខ្ញុំសុំការអព្យាស្រ័យ ពីគាត់ និងសុំទោសគាត់រួចរាល់ហើយ ហើយក៍សងសម្នងទៅគាត់ហើយដែរ។ ខ្ញុំសុំអភ័យទោសពីមហាជន។ សូមអរគុណ!»
