បើតាមការផ្សាយរបស់ផេកអ្នកគាំទ្រក្រុមកាំភ្លើងធំ Arsenal Cambodia Fan បានបង្ហោះថា "នេះជារូបកូនខ្មែរដំបូងគេ ដែលនឹងត្រូវតាំងបង្ហាញនៅស្តាតEmirates ទីក្រុងឡុងដ៍ភាគខាងជេីងប្រទេសអង់គ្លេស។ នេះគឺជាគោលដៅរបស់ក្រុមយេីង ដែលបង្ហាញអត្តសញ្ញាណប្រទេសកម្ពុជាទៅកាន់ពិភពលោក។"
បន្ថែមពីនេះវេបសាយរបស់ក្លិបកាំភ្លើងធំ បានគូសបញ្ជាក់នូវចំណុចសំខាន់ថា "យើងបានដាក់បង្ហាញស្នាដៃសិល្បៈទីប្រាំបី និងចុងក្រោយ ដែលនឹងតុបតែងផ្នែកខាងក្រៅនៃកីឡដ្ឋាន Emirates ។ ឈ្មោះនៃស្នាដៃសិល្បៈទីប្រាំបី រកឃើញកន្លែងដែលយើងជាកម្មសិទ្ធិ ត្រូវបានបំផុសគំនិតដោយសម្រង់សម្តីរបស់ Dennis Bergkamp: "នៅពេលអ្នកចាប់ផ្តើមគាំទ្រក្លឹបបាល់ទាត់ អ្នកមិនមែនគាំទ្រវាដោយសារតែពានរង្វាន់ ឬកីឡាករណាម្នាក់ ឬប្រវត្តិសាស្រ្តឡើយ។ អ្នកគាំទ្រវាដោយសារតែអ្នកបានរកឃើញខ្លួនអ្នកនៅកន្លែងណាមួយនៅទីនោះ បានរកឃើញកន្លែងមួយដែលជាកម្មសិទ្ធិរបស់អ្នក"។
ផេកអ្នកគាំទ្រក្រុមកាំភ្លើងធំ Arsenal Cambodia Fan បានចាប់ផ្ដើមឡើងនៅក្នុងប្រទេសកម្ជុជាជាច្រើនឆ្នាំមកហើយគួរត្រូវបានកត់សម្គាល់តាមសកម្មភាពនានា ក៏ដូចជាការងារសប្បុរសធម៏។ សហស្ថាបនិករួមមានលោក ជា រិទ្ធធេង លោក តុង សុប្រាជ្ញ លោក ជា ម៉ារ៉ូ និងលោក ធុយ វិទូ។
លោក ជា រិទ្ធធេង លោក តុង សុប្រាជ្ញ លោក ជា ម៉ារ៉ូ និងលោក ធុយ វិទូ ថតរូបជុំគ្នានៅថ្ងៃទី២៨ ខែកក្កដា ឆ្នាំ២០១៨ នៅសិង្ហបុរីដែលកាលនេះក្រុមកាំភ្លើងធំបានមកចូលរួមការប្រកួតមិត្តភាព។
រូបភាពលោក ធុយ វិទូ ដែលជាម្ចាស់ហាងផាមកាហ្វេនៅទួលគោកត្រូវបានដាក់បញ្ចូលនៅក្នុងស្នាដៃសិល្បៈទីប្រាំបី និងចុងក្រោយរបស់ក្លិបបាល់ទាត់កាំភ្លើងធំ។