បុរសដែលបេីកម៉ូតូកង់បីនាំ និងបង្កហេតុរហូតបណ្តាលឱ្យស្ត្រីជាជនជាតិបរទេសម្នាក់រងរបួសកាលពីវេលាទៀបភ្លឺថ្ងៃទី៥ខែកក្កដាឆ្នាំ២០២៣ នៅក្នុងភូមិសាស្រ្តសង្កាត់អូរចារ ក្រុង និងខេត្តបាត់ដំបង ពេលនេះត្រូវបានសមត្ថកិច្ចឃាត់ខ្លួនបានហើយ គឺជាមុខសញ្ញាចាស់ទេីបចេញពីពន្ធនាគារ ដែល៥ឆ្នាំមុនបានឆក់ទូរស័ព្ទពីជនបរទេសដូចគ្នា។
បើតាមសមត្ថកិច្ចខេត្តបាត់ដំបងបានឱ្យដឹងថា កាលពីថ្ងៃទី ១១ ខែ វិច្ឆិកា ឆ្នាំ ២០១៨ សមត្ថកិច្ចនគរបាលនៃស្នងការដ្ឋាននគរបាលខេត្តបាត់ដំបង បានធ្វើការ បង្រ្កាបករណី(លួចមានស្ថានទម្ងន់ទោស) ឆក់ទូរស័ព្ទដៃ ពីជនរងគ្រោះម្នាក់ជាស្រ្តីជនជាតិបារាំងឈ្មោះ COLINE BACHELIER អាយុ២៥ឆ្នាំ នាចំណុចមុខក្លោងទ្វារនៃមន្ទីរពេទ្យបង្អែកខេត្តបាត់ដំបង នាវេលាម៉ោង ២២និង២០នាទី ថ្ងៃទី ៣១ ខែ តុលា ឆ្នាំ ២០១៨ ដែលករណីនេះបណ្តាលឱ្យស្រ្តីជាជនរងគ្រោះរងរបួសស្រាល ។
ជនសង័្សយរូបនេះត្រូវបានបញ្ជូនទៅអនុវត្តទោសនៅសាលាដំបូងខេត្តបាត់ដំបង ក្រោយពីបានឃាត់ខ្លួន និង រកឃើញទូរស័ព្ទiphone6 ប្រគល់ជូនជនរងគ្រោះវិញ។
នៅពេលចេញពីពន្ធនាគារវិញ នាទៀបភ្លឺថ្ងៃទី ៥ ខែ សីហា ឆ្នាំ២០២៣ បុរសរូបនេះ បានប្រព្រឹត្តិសកម្មភាពល្មើសជាថ្មីម្តងទៀត ទៅលើស្រី្តជាជនបរទេស ជនជាតិ បារាំងជាថ្មីម្តងទៀត ហើយត្រូវបានសមត្ថកិច្ចនគរបាលធ្វើការស្រាវជ្រាវនិងឃាត់ខ្លួនបានម្តងទៀត ៕
