គ្រប់វត្តអារាមដែលជាទីស្ងប់ស្ងាត់ ជាពិសេសនោះគឺមានម្លប់ដើមឈើធំៗ ម្លប់អង្គុយ សម្រាប់ពុទ្ធបរិស័ទជិតឆ្ងាយមកសម្រាក តែក្នុងនោះក៏មានមនុស្សមួយចំនួនបានជ្រកក្រោមម្លប់ហើយ មិនត្រឹមតែមិនមានសេចក្ដីដឹងគុណទេ ថែមទាំងបង្កជាភាពលំបាកដល់ព្រះសង្ឃក្នុងការប្រមូលសំរាមពីក្រោយការពង្រាយគ្មានសណ្ដាប់ធ្នាប់ទៀត។
ឃើញភាពដដែលៗកើតឡើងជារឿងរាល់ថ្ងៃពេក ព្រះតេជគុណគង់នៅវត្តជិនិតារាមខេត្តកំពង់ធំ បានបង្ហាញឱ្យមហាជនបានឃើញផ្ទាល់តែម្ដងពីភាពគ្មានសណ្ដាប់ធ្នាប់ និងទម្លាប់មិនល្អរបស់ក្រុមមន្រ្តីឥណទានមួយចំនួន មកសម្រាកហើយ ថែមទាំងជក់បារី ចោលសំរាមផ្ដេសផ្ដាស រហូតមានសង្ឃដេកាថា មកបែបនេះ កុំមកល្អជាង។ តាមរយៈសង្ឃដីការរបស់តេជគុណបានលើកឡើងថា៖
«អាត្មាភាពតែងតែសម្អាតបរិវេណវត្តជារៀងរាល់ថ្ងៃ រូបនេះផ្ញេីជូនបងៗ CO ជាពិសេសផង CO ពួកខ្លះ បេីមកវត្តដេីម្បីតែជក់បារី លេងហ្គេម ឬហូបចុកចោលផ្ដេសផ្ដាសយ៉ាងនេះកុំមកល្អជាង អាណិតលោកក្នុងវត្តខំសម្អាតផង។
អាត្មាមិនចង់ផ្ដិតយករូបភាពមកបង្ហោះនោះទេ ប៉ុន្តែយេីងគួរតែមានក្រមសីលធម៌ជាមនុស្សផង។ ទីតាំងនៅវត្តជិនិតារាម (ជិនិត) ឃុំកំពង់ថ្ម ស្រុកសន្ទុក ខេត្តកំពង់ធំ ជាទីកន្លែងដែលពួកគាត់មកឈប់សម្រាកជារៀងរាល់ថ្ងៃ។
មនុស្សមានចំណេះដឹង តែបេីគ្មានអនាម័យជីវិតមិនស្រស់ស្រាយទេ។ ថ្ងៃសុក្រ ទី២៥ ខែសីហា ឆ្នាំ២០២៣»។