មានការភ្ញាក់ផ្អើលក្រោយពីលោក ផែង វណ្ណៈ បានបង្ហោះសារដែលលោកទទួលបានពីពលរដ្ឋទាក់ទងនឹងមុខសញ្ញាឆក់ ព្រមទាំងមានសារធាតុញៀនផងនោះ បានជាប់ក្របខ័ណ្ឌក្លាយជាមន្ត្រីនគរបាល តែជុំវិញនឹងរឿងនេះលោក ក៏បានបញ្ជូលព័ត៌មាននេះទៅកាន់ថ្នាក់ដឹកនាំខាងលើដើម្បីស្រាវជ្រាវបញ្ជាក់បន្ថែមហើយ។
តាមរយៈការលើកឡើងរបស់លោក ផែង វណ្ណៈ នៅព្រឹកថ្ងៃទី ១៣ ខែកញ្ញា ឆ្នាំ២០២៣នេះ បានលើកឡើងឱ្យដឹងថា៖
« សារទទួលបានពីប្រជាពលរដ្ឋល្អ ! មុខសញ្ញាឆក់សកម្ម និងញៀនថ្នាំ ដែលសមត្ថកិច្ចធ្លាប់ចាប់ខ្លួន ទេីបជាប់ក្របខ័ណ្ឌថ្មី !
ខ្ញុំបានបញ្ជូន ព័ត៌មាននេះទៅ បងឧត្ដមសេនីយ៍ទោ ស្នងការនគរបាលរាជធានី ភ្នំពេញ រួចហើយ ដេីម្បីធ្វេីការស្រាវជ្រាវបញ្ជាក់បន្ថែមតេីពិតដូចពត័មានដែល ប្រជាពលរដ្ឋល្អផ្ដល់អោយអត់ ?
រួមគ្នាកែលម្អសង្គម តាមរយៈផ្ដល់ព័ត៌មានពិត»។
ជុំវិញនឹងការលើកឡើងនេះ មានមហាជនជាច្រើនបានបញ្ចេញមតិដោយហួសចិត្ត ព្រមទាំងបានចោទសួរថា៖ «តើការធ្វើលិខិតថ្កោលទោសដើម្បីអ្វីទៅបង?» អ្នកខ្លះទៀតថា៖ «អ្នករៀនពេទ្យបើកព្យាបាលសុទ្ធតែធ្វើលិខិតថ្កោលទោស ចុះពេលក្របខ័ណ្ឌប៉ូលិស ប៉េអឹមហ្នឹងគេអត់មានបញ្ជាក់លិខិតថ្កោលទោសទេឬពូ?»។
ទាក់ទងនឹងព័ត៌មាននេះយើងនឹងរង់ចាំមើលការបំភ្លឺពីអគ្គស្នងការដ្ឋាននគរបាលជាតិ៕
