មានការចាប់អារម្មណ៍ជាខ្លាំងដោយថ្មីនេះមានការលេចចេញនូវអ្នកចូលរួបឧកញ៉ា ឈាង រ័ត្ន ជាបន្តបន្ទាប់នៅតាមបណ្តាញសង្គមដោយគ្រូខ្លះថែមទាំងបានលើកឡើងថាឧកញ៉ាទៅមិនស្ងប់សុខជាដើម ។ ប៉ុន្តែយ៉ាងណាថ្មីៗនេះប្អូនប្រុសបស់ឧកញ៉ាឈាង រ័ត្ន បានចេញមុខនិយាយជាលើកទីមួយថាបងប្រុសលោកទៅបានស្ងប់ហើយក៏បានជួបជាមួយអ្នកម្តាយរួចរាល់ហើយកាលពីបុណ្យ៧ថ្ងៃកន្លងមក
ក្រៅពីគ្រូល្បីឈ្មោះមួយចំនួននៅក្នុងបណ្តាញសង្គមដែលបានអះអាងថាបានជួបព្រលឹងលោក ឈាង រ័ត្ន នោះថ្មីៗនេះក៏មានស្ត្រីម្នាក់បាននិយាយថាខ្លួនត្រូវបានព្រលឹងលោក ឈាង រ័ត្ន ចូលនឹងមានបំណងចង់ជួបម្តាយ និង ស្រីអូន ជាភរិយាដើម្បីប្រាប់រឿងសំខាន់ ។ ប៉ុន្តែតាមរយៈការរៀបរាប់ពីសំណាក់ប្អូនប្រុសរបស់ឧកញ៉ា ឈាង រ័ត្ន ដែលមានឈ្មោះថា ឈាង ណារិន បានចេញមុខបញ្ជាក់ជាលើកដំបូងថា ស្រ្តីរូបនោះនិយាយមិនច្បាស់លាស់ ។ មិនតែប៉ុណ្ណោះលោកប្រាប់ថាពេលនេះបងប្រុសលោកទៅបានស្ងប់សុខហើយ។
តាមរយៈការរៀបរាប់នៅក្នុងគណនីយផ្ទាល់ខ្លួន លោក ឈាង ណារិន បាននិយាយថា«ខ្ញុំបាទ និង ក្រុមគ្រួសារ បានជួបគ្នាជាមួយបងស្រីរួចហើយ ដែលជាម្ចាស់គណនីហ្វេសបុក (ផល្លា ហុង) ប៉ុន្តែអ្វីដែលខ្ញុំចង់បញ្ជាក់ជូននោះ គឺពេលដែលបងស្រីគ្រងរូប បងស្រីនិយាយមិនច្បាលាស់ គ្មានមូលដ្ឋានច្បាស់លាស់ និយាយខុសស្ទើរទាំងអស់។ ខ្ញុំលើកឡើង មួយចំណុចពីរចំណុចដែលបងស្រីបាននិយាយ ៖
1-គាត់មកសុំទោសប្រពន្ធរបស់ខ្ញុំ ថាគាត់បានសម្លាប់ខ្លួនឯងនៅផ្ទះរបស់ប្រពន្ធរបស់ខ្ញុំ (ប៉ុន្តែកាពិតបងប្រុសខ្ញុំសម្លាប់ខ្លួនឯងនៅផ្ទះប្អូនស្រីបង្កើតរបស់គាត់សោះ)។
2-ចុះបើបងប្រុសរបស់ខ្ញុំមែន ហេតុអ្វីគាត់មិនស្គាល់ផ្ទះប្អូនស្រីបង្កើតរបស់គាត់អញ្ចឹង? បែរជាទៅសួរអ្នកផ្សេងរកផ្ទះប្អូនស្រីបង្កើតរបស់គាត់។
+សូមបញ្ជាក់ថាម្ដាយរបស់ខ្ញុំបានជួបជាមួយបងប្រុសខ្ញុំរួចហើយ នៅថ្ងៃបុណ្យគម្រប់ 7ថ្ងៃ។ គាត់ទៅបានស្ងប់សុខហើយ ។សូមគោរពអគុណបងប្អូនញាតិមិត្តជិតឆ្ងាយដែលបានបារម្ភពីសុខទុក្ខក្រុមគ្រួសាររបស់ខ្ញុំបាទ »៕
