ហាក់មិនដាច់អាល័យប្អូនប្រុសរបស់ឧកញ៉ា ឈាង រ័ត្ន លោក ឈាង ណារិន បានទម្លាយរឿងមិនអស់ចិត្តរបស់បងប្រុសមុនពេលចាកចេញដែលឃើញហើយពិតជារំជួលចិត្តដែលបងប្រុសលោកចាកចេញទៅទាំងមិនបានជួបមុខកូនស្រីជាទីស្រឡាញ់ជាលើកចុងក្រោយ ។
បើទោះបីជារឿងរ៉ាវរបស់ឧកញ៉ា ឈាង រ័ត្ន បានស្ងប់ស្ងាត់ទៅតាមពេលវេលាក្តី តែក្រុមគ្រួសារ ជាពិសេសអ្នកម្តាយរបស់លោកនៅតែមិនទាន់អាចធ្វើចិត្តបានចំពោះការចាកចេញរបស់កូនប្រុសយ៉ាងលឿនបែបនេះ ។
បន្ថែមពីនោះគេតែងឃើញលោក ឈាង ណារិន បង្ហោះសារបង្ហាញពីការនឹករឮកដល់បងប្រុសហើយកាលពីថ្ងៃទី ១៩ ម្សិលមិញនេះលោកបានបង្ហោះរូបភាពបងប្រុសជាមួយកូនស្រីតូចដោយភ្ជាប់ជាមួយអត្ថន័យរៀបរាប់ថា «មុនពេលបងប្រុសខ្ញុំស្លាប់គាត់បាននិយាយថា គាត់ទៅរកកូនស្រីគាត់នៅសាលា ប៉ុន្តែតែមិនបានជួបទេ។ខាងសាលាប្រាប់ថាកូនគាត់មិនមករៀនទេ»។
ជុំវិញការលើកឡើងរបស់លោក ឈាង ណារិន បានធ្វើឱ្យមិត្តភក្តិនៅក្នុងបណ្តាញសង្គមបានបង្ហាញការអាណិតអាសូរដល់ឧកញ៉ា ឈាង រ័ត្ន ជាខ្លាំងដែលមិនបានជួបមុខកូនស្រីជាទីស្រឡាញ់ជាលើកចុងក្រោយ។ ប៉ុន្តែពេលនេះលោកក៏បានផុតទុក្ខទៅហើយនៅឡើយតែអ្នកម្តាយដែលនៅមានជីវិត តែនៅមិនអាចកាត់ចិត្តចំពោះការបាត់បង់កូនប្រុសទាំងវ័យនៅក្មេងភ្លាមៗបែបនេះ៕
