ករណីអ្នកជិតខាងលួចថតសកម្មភាព ស្ត្រីម្នាក់ប្រើអំពេីហិង្សាលើកុមារី នៅក្នុងបុរីមួយកន្លែង យកទៅបង្ហោះ មានការចែករំលែកបន្តគ្នាយ៉ាងច្រើន និងផ្ទុះការរិះគន់យ៉ាងខ្លាំង ធ្វើឱ្យមានការអាណិតដល់កុមារីជាខ្លាំង រហូតសមត្ថកិច្ចខណ្ឌឬស្សីកែវ ចុះទៅនាំស្ត្រីខាងលើទៅសាកសួរនៅស្នាក់ការប៉ុស្តិ៍ទួលសង្កែទី១ ។
ហេតុការណ៍នេះស្ថិតនៅបុរីមួយកន្លែងក្នុងភូមិទួលគោក សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញកាលពីយប់ថ្ងៃទី១៦ ខែធ្នូ ឆ្នាំ២០២៣។
បើតាមសមត្ថកិច្ចបានឱ្យដឹងថា ស្ត្រីខាងលើមិនមែនជាម្ដាយបង្កើតធ្វើលេីកូនស្រីទេ តែជាម្ដាយមីង និងជីដូន ដែលរួមគ្នាធ្វើ ទារុណកម្ម និង ប្រេីហិង្សាលើកុមារីតូចនេះ ។ ដោយម្ដាយបង្កើតកុមារីរូបនេះ យកកូនមកផ្ញេីឱ្យនៅជាមួយជីដូន ដោយម្ដាយជាប់រវល់ធ្វើការនៅឆ្ងាយ ។
នៅយប់ថ្ងៃដដែលម្ដាយមីងបាននាំខ្លួនមកដល់ប៉ុស្តិ៍នគរបាលរដ្ឋបាលទួលសង្កែ១ហើយ ចំណែកជីដូន មិនព្រមមកតាមការអញ្ជើញរបស់មន្ត្រីនគរបាលប៉ុស្តិ៍នោះទេ ។
បើតាមគណនីហ្វេសបុក ដែលមានឈ្មោះថា Seng Chansopheap បានឱ្យដឹងថា មុននឹងម្តាយមីង និងយាយ ច.ងដៃច.ងជើ.ងក្មេ.ង ពួកគាត់បានណែនាំ និងនិយាយច្រើនខ្លាំង តែក្មេ.ងខូ.ចខ្លាំ.ង និយាយមិ.នស្តាប់ ទា.ត់ធា.ក់របស់របរក្នុងផ្ទះ និងទា.ត់ធា.ក់ទ្វារ ទើបយាយនិងម្តាយមីងឲ្យឈរនៅក្រៅពិចារណាកំហុស តែក្មេងនោះនៅតែបន្តធាក់ទ្វារមុខផ្ទះខ្លាំងៗទៀត ទើបពួកគា.ត់ច.ងដៃច.ងជើ.ង ក្នុងបំណ.ងអប់រំ ពិចារណាកំហុស ឈប់បង្ករឿង ទើបឲ្យចូលក្នុងផ្ទះវិញ។
ពួកគាត់ក៏ដឹងខ្លួនថាសកម្មភាពនេះហាក់ដូចជាហួ.សហេតុដែរ តែវីឌីអូហាក់ថតយកតែកំហុស មួយជ្រុងនៃសកម្មភាពទាំងមូល ជាហេតុនាំឲ្យមហាជនយល់ច្រឡំខ្លាំង និងខឹងសម្បារ! នេះបើតាមការបញ្ជាក់ពីក្រុមគ្រួសារទាំងមូលរបស់ក្មេង និងលោកយាយផ្ទាល់! សូមបងប្អូនកុំជឿតែវីឌីអូរយៈពេលប៉ុន្មានវិនាទី ដាក់ទោសមនុស្សល្អ ៕
