ខណៈមានការវែកញែករឿងរ៉ាវរបស់ពិធីការិនីធ្មេញច្រពើស ហ៊ិន ច័ន្ទនីរ័ត្ន មិនអញ្ជើញម្តាយបង្កើតនិងបងប្អូនចូលរួមនៅក្នុងពិធីមង្គលការរបស់ខ្លួនកាលពីពេលថ្មីដោយមានទាំងអ្នករិះគន់ និងអ្នកគាំទ្រនោះ។ ស្រាប់តែតារាចម្រៀងលោក ឃុំ ប៊ុណ្ណាដែត បានចេញមុខលូកមាត់នៅក្នុងរឿងនេះដោយលើកឡើងថាឪពុកម្ដាយមួយចំនួនតូចអត់ទំនួលខុសត្រូវគិតតែចង់បានពីកូន...។
ក្នុងនោះស្វាមីរបស់តារាចម្រៀង យក់ ថិតរដ្ឋា លោក ឃុំ ប៊ុណ្ណាដែត បានចេញមុខនិយាយថា«ជាការពិតមនុស្សដែលស្និទ្ធនឹងខ្ញុំគឺជួបផ្ទាល់ សុខចិត្តជ្រើសរើសយកគេ ដោយមកយកកូនខ្លួនឯង ។ ឪពុកម្ដាយភាគច្រើនយល់មិនអស់ពីទំនួលខុសត្រូវរបស់ខ្លួនសម្រាប់កូន!ឪពុកម្ដាយមួយចំនួនតូច អត់ទំនួលខុសត្រូវ គិតតែចង់បានពីកូន!ឪពុកម្ដាយមួយចំនួនតិច សាងកំហុសបំផ្លាញកូន រួចធ្វើខ្លួនជាជនរងគ្រោះ! ហើយសួរថាខ្លួនខុសអីទាំងមិនមើលកំហុសរបស់ខ្លួនឡើយ ។ ក្នុងលោកនេះមិនថា ឪពុក ម្តាយ កូន បង ប្អូន មិត្តភក្រ្តបើយើងសាងអីគឺទទួលហ្នឹង ហើយព្យាយាមកុំមើលកំហុសគេ ត្រូវស្វែងយល់ពីកំហុសខ្លួនឯងជាមុនសិន ។
ខ្ញុំមានវាសនាល្អឪពុកម្តាយខ្ញុំមិនដែលបោះបង់ខ្ញុំចោលទេទោះក្នុងកាលៈទេសៈណាក៏ដោយ តែខ្ញុំនឹកអាណិតមនុស្សម្នាក់ដែលខ្ញុំស្គាល់ ដែលត្រូវបានម្តាយ និងបងប្អូនបោះបង់ចោល វាពិតជាឈឺខ្លាំងតែគាត់នៅតែតស៊ូ មិនចុះចាញ់លើវាសនាមួយនេះ (រឿងរបស់ នីរត្ន័ គឺស្រដៀងរឿងរ៉ាវរបស់អ្នកស្គាល់គ្នារបស់ខ្ញុំដែរ)។
ជុំវិញការលូកមាត់របស់តារាចម្រៀង ឃុំ ប៊ុណ្ណាដែត នៅក្នុងរឿងស្រីស្អាត ហ៊ិន ច័ន្ទនីរ័ត្ន បានធ្វើឱ្យអ្នកលេងបណ្តាញសង្គមមួយចំនួនមានការគាំទ្រនិងបញ្ចេញខមិនតាមការយល់ឃើញរៀងៗខ្លួន ។ ប៉ុន្តែអ្វីដែលគួរឱ្យសរសើរ ហ៊ិន ច័ន្ទនីរ័ត្ន ដែលជាសាម៉ីខ្លួនមិនបានចេញមុខបកស្រាយឬប្រតិកម្មអ្វីឡើយបើទោះមានមតិខ្លះលើកឡើងថានាងជាមនុស្សចិត្តដាច់ចំពោះអ្នកមានគុណក្តី ៕
