គ្រាន់តែចូលដល់ដើ់មឆ្នាំ ២០២៤ ភ្លាមកីឡាគុនខ្មែរលោក ព្រំ សំណាង បានជួបរឿងស៊យធំដោយបើករថយន្តបុករះកង់បីឥណ្ឌាចំនួន៣គ្រឿង និងម៉ូតូ១គ្រឿងកាលពីវេលាម៉ោង ៣និង២០នាទីថ្ងៃទី៧ ខែមករា ឆ្នាំ២០២៤នេះ ។ ហេតុការណ៍នេះបណ្តាលឱ្យមានមនុស្សរងរបួសធ្ងន់ស្រាលចំនួន ០៥នាក់ ។ជាមួយឧបទ្ធវហេតុនេះមហាជនមួយចំនួនបានរិះគន់ទៅលើលោក ព្រំ សំណាង ដោយម្នាក់ៗបានខមិនស្រដៀងៗគ្នាថាគ្រោះថ្នាក់នេះបណ្តាលមកពីកីឡាកររូបនេះប្រើប្រាស់គ្រឿងស្រវឹងច្រើន។
បើតាមប្រភពអ្នកឃើញហេតុការណ៍នេះបានឱ្យដឹងថាកីឡាករគុនខ្មែរ ព្រំ សំណាង បានបើករថយន្ដម៉ាក Mazda ពាក់ស្លាកលេខ ភ្នំពេញ 2BU-4078 បាន បុករះទៅលើកង់បីឥណ្ឌាចំនួនបីគ្រឿង និងម៉ូតូមួយគ្រឿងបណ្ដាលឲ្យមនុស្សប្រុសស្រី៥នាក់រងរបួសធ្ងន់ស្រាល។
គ្រោះថ្នាក់ចរាចរណ៍នេះកើតឡើងនៅតាមបណ្ដោយមហាវិថីចោមចៅស្ថិតក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។ ប៉ុន្តែក្រោយកើតហេតុភាគីលោក ព្រំ សំណាង ដែលជាម្ចាស់រថយន្តបានសម្រុះសម្រួលបញ្ចប់រឿងដោយការចេញថ្លៃព្យាបាលរបួសនិងថ្លៃជួសជុលកង់បីឥណ្ឌា ម៉ូតូ ទាំងស្រុងដល់ភាគីជនរងគ្រោះ ។
ចំពោះហេតុការណ៍គ្រោះថ្នាក់ចរាចរណ៍របស់លោក ព្រំ សំណាង បានធ្វើឱ្យមហាជនជាច្រើនមានការចាប់អារម្មណ៍នឹងបានបញ្ចេញយោបល់រៀងៗខ្លួនដោយម្នាក់ៗបានបង្ហាញការខមិនបែបលែបខាយថា«ប្រហែលជាស្រាទេដែលបញ្ជាបងនុះសំរាប់បងថាមិនអីទេៗ»«ដើរដាច់យប់ចឹង មានកំលាំងណាវ៉ៃទៀត» «ផឹកជ្រុលអញ្ចឹងហើយសប្បាយនឹងលុយច្រើន» «ប្រឹងផឹកតាមយករង្វាន់ទៀតប្រូ ក្រែងបានឡានស្អាតជាងនេះ» «ឆេវឆាវម៉េសពូធ្វើអញ្ចឹងអ្នកឱ្យឡានគេអន់ចិត្តស្លាប់ហើយ»។ ទោះបីជាមានការលើកឡើងបែបនេះក្តី តែគេមិនទាន់ឃើញកីឡាករគុនខ្មែររូបនេះចេញមុខបកស្រាយទេ៕
