បើទោះបីលោកស្រី ទ្រី ដាណា បានប្រកាសក្តែងថានឹងប្តឹងចំពោះការបង្ហោះសារនាពេលកន្លងមកចំពោះម្ចាស់ផ្ទះលំហែនៅស្រុកវាលវែងខេត្តពោធិសាត់ក្តី តែមិនបានធ្វើឱ្យម្ចាស់ផ្ទះលំ ហែរូបនេះបារម្ភអ្វីឡើយ។ ថ្មីៗនេះលោកបានបង្ហោះសារចាក់ដោតសរសើរទឹកចិត្តថៅកែពេជ្រ រូបនេះថាល្អអី ល្អម្លេស ខុសពីចិត្តមនុស្សភាគច្រើននៅស្រុកខ្មែរ ។
គួរឱ្យដឹងថាពីរថ្ងៃមុននេះថយន្តទំនើបម៉ាក Cadillac Escaladeរបស់លោកស្រី ទ្រី ដាណា ត្រូវបានរថយន្តសាំយ៉ុងបើករេចង្កូតមកប៉ះពេលកំពុងចតនៅចិញ្ចើមផ្លូវ ដោយបុរសអ្នកបើករថយន្តនោះនិយាយថា ងោកមួយភាំង។ អ្វីដែលកត់សម្គាល់មិនត្រឹមតែមិនបានទាមទារសំណងទេលោកស្រី ទ្រី ដាណា បានណែនាំនឹងបានផ្តល់ប្រាក់ ១០០ដុល្លារ ដើម្បីកុំឱ្យអ្នកបើករថយន្តរូបនោះមានការភិតភ័យ។ទង្វើរបស់លោកស្រី ទ្រី ដាណា ក៏មានអ្នកការសរសើរនិងមានការខមិនបែបលេងសើចថាចង់ទៅបើកកៀរដែរដើម្បីបានប្រាក់ដូចបុរសរូបនេះពីសំណាក់អ្នកលេងបណ្តាញសង្គមជាច្រើន តែខ្លះទៀតគិតថាជាការសម្តែងទៅវិញ។
ឃើញហេតុការណ៍របស់លោកស្រី ទ្រី ដាណា ម្ចាស់គណនីយTherakun Thai ដែលធ្លាប់ប្រកាសមិនទទួលលោកស្រី ទ្រី ដាណា ជាភ្ញៀវនៅក្នុងផ្ទះលំហែរបស់លោកកាលពីមួយរយៈមុន នឹងត្រូវបានថៅកែពេជ្ររូបនេះប្រកាសប្តីងនោះក៏បានបញ្ចេញយោបល់នៅក្នុងរឿងនេះថា «ចិត្តគាត់ពិតជាខុសពីចិត្តមនុស្សភាគច្រើននៅស្រុកខ្មែរមែនៗ ល្អអី ល្អម្លេស! ! គេមកបុកហើយមានតែចិត្តអាណិត ចិត្តស្រឡាញ់អោយ100$បន្ថែមពីលើទៀត សូមប្អូនទទួលការអោនគោរពពីខ្ញុំបាទ(Kun)ពីចំងាយផងចុះ។ សូមបងប្អូន! ! កុំសាកបារមី កុំជេរស្ដី កុំទៅបុកអី ទោះបីប្អូនស្រីអោយលុយ100$ក៏ដោយ កុំទៅបុកនឹងអាលបានការអាណិត ការស្រឡាញ់ក្រែងលោបានលើសពីអ្នកមុនដល់ទៅ1000$អីនោះ លើកក្រោយអាចជ្រុលចង្កូតដល់អាយុជីវិត តើអោយប្អូនទាំង2ងើបមកសំដែងទួញសោកអាណិតបងប្អូនដល់ណាទៀត?
ល្មមដល់ពេលអោយប្អូនស្រីបានសំរាកផង ប្អូនស្រីហត់នឿយនឹងដើរចែករង្វាន់អោយបងប្អូនណាស់ សូមបងប្អូនគិតហើយគិតទៀត គិតទៀត គិតម្ដងទៀត ស្រុកយើងប្រទេសយើនិងបងប្អូនផ្ទាល់នឹងអាចរីកចំរើនបានទាំងអស់គ្នាហ្នឹង ដោយប្រឹងនិងដោយការគិត គិត គិត គិត គិត យើងអាចជាអ្នកក្រតែមិនត្រូវមានគំនិតក្រ មិនចាំបាច់ផ្ដេកផ្ដួលលើអំណោយឬរង្វាន់ ធ្វើដូច្នេះបាន អ្នកដើរអោយរង្វាន់មិនសូវខាតចំណាយលុយនិងពេលវេលារកបន្ដែមយកមកអោយបងប្អូនទៀតឡើយ យើងកុំធ្វើខ្លួនជាអ្នករំខានពួកគាត់ យើងហ្នឹងមានបាន ដោយដៃជើងនិងប្រាជ្ញាស្មារតី មិនលាដៃសុំលុយអោយគេថតរូបបង្ហោះគួរអោយខ្លោចចិត្តទៀតទេ។ Thankssពីខ្ញុំ យើងហ្នឹងរីកធូរធារថ្លៃថ្នូរទាំងអស់»។