មានការចាប់អារម្មណ៍ជាខ្លាំងដោយថ្មីៗនេះតារាពហុជំនាញ ខាត់ សុឃីម បានបង្ហោះសារយ៉ាងចាក់ដោតពីមូលហេតុមួយចំនួនដែលអ្នកសិល្បៈខ្លះមិនបានទទួលមេដាយឬគ្រឿងឥស្ស រិយស។សារស៊ីជម្រៅរបស់តារាពហុជំនាញរូបនេះបានធ្វើឱ្យអ្នកលេងបណ្តាញសង្គមក៏ដូចជាអ្នកសិល្បៈមួយចំនួនគាំទ្រផងដែរ ។
គេចាំបានថាកាលពីថ្ងៃទី ២៥ ម្សិលមិញនេះសិល្បការការិនីជាច្រើនបានចូលរួមក្នុង« កម្មវិធីពិសារអាហារសាមគ្គីនិងផ្តល់គ្រឿងឥស្សរិយយសជូនលោកគ្រូអ្នកគ្រូនិងសិល្បករការិនី» ហើ យកម្មវិធីនោះក៏មានការចូលរួមជាកិត្តិយសពីសំណាក់នាយករដ្ឋមន្ត្រីផងដែរ។ក្នុងនោះក្នុងចំណោមសិល្បករការិនីជាច្រើនដែលមានឱកាសបានចូលរួមនិងបានទទួលគ្រឿងឥស្សរិយយសនោះគេក៏បានឃើញ ងិន ម៉ារ៉ាឌី អតីតMiss Universe Cambodia 2021 បានបង្ហាញការអាក់អន់ស្រពន់ចិត្តដោយអ្នកនាងមិនមានឈ្មោះចូលរួមនៅក្នុងកម្មវិធីពិសារអាហារសាមគ្គីនិងផ្តល់គ្រឿងឥស្សរិយយសមួយនេះ។
អតីតបវរកញ្ញារូបនេះក៏បានលើកឡើងថាខ្លួនក៏ធ្លាប់បានតំណាងប្រទេសកម្ពុជាប្រកួតប្រជែងទៅលើឆាកអន្តជាតិដែរ ហេតុអ្វីមិនមានឈ្មោះនិងគេ។
ហាក់តបជាមួយទៅនឹងសំណួររបស់អតីត Miss Universe Cambodia 2021 ងិន ម៉ារ៉ាឌី ដោយ ប្រយោលនៅមុននេះបន្តិច អ្នកនាង ខាត់ សុឃីម បានបង្ហោះសារយ៉ាងចាក់ដោតថា «បង ខ្ញុំលេងសិល្បៈយូហើយម៉េចបានខ្ញំអត់បានមេដាយនឹងគេអ៊ីចឹងបង(ប្អូនអើយរកលុយក៏រក សង្គម ក៏ត្រូវជួយដែរ ទើបគេឆាប់ស្គាល់ )ពិសេសកុំមុខលុយពេក ការងារសង្គមគឺ គុណធម៌ មនសិកា តម អំនួត»។
សំណេរខ្លីរបស់ ខាត់ សុឃីម គេក៏បានឃើញអ្នកសិល្បៈមួយចំនួនបានបង្ហាញការគាំទ្រដោយខ្លះលើកឡើងថាជាពាក្យដែលខ្លួនចង់និយាយ តែមិនហ៊ាននិយាយ ជាដើម៕
