មានការភ្ញាក់ផ្អើលពីសំណាក់អ្នកគាំទ្រជាយុវវ័យក្រោយពីបានឃើញរូបភាពរបស់អាយដលខ្លួមួយរូបដែលត្រូវគេស្គាល់ថាជា Rapper 4T5 ដែលមានឈ្មោះល្បីគួរសម រួមជាមួយនឹងយុវវជនមួយក្រុមវាស់កម្ពស់ដោយមានកាន់ឧបករណ៍តេស្តទឹកនោម រកសារធាតុញៀន។ ប៉ុន្តែយ៉ាងណាមិនច្បាស់ថាជាការសម្តែងនៅក្នុង MV ឬបែបណានោះទេ។
បើតាមការបង្ហោះរបស់គណនីយ Sar Rotha Post បានបង្ហោះរូបភាពមួយចំនួនដែលក្នុងនោះមានរូបភាពរបស់ Rapper 4T5 វាស់កម្ពស់ជាមួយយុវជនមួយក្រុម ដោយភ្ជាប់ជាមួយសារដែលមានអត្ថន័យថា«អាយដលអ្នកណាខ្លះ? ចង់ដឹងលម្អិតទេ? បញ្ជាក់មិនមែនថត MV ទេ ខ្ញុំនឹងចេញវីដេអូបញ្ជាក់ព័ត៌មានបន្ថែម»។ សាររួមនឹងរូបភាពទាំងនេះក៏កំពុងទទួលបានការភ្ញាក់ផ្អើលពីសំណាក់យុវវ័យជាអ្នកគាំទ្រនិងធ្លាប់ស្តាប់ចម្រៀងរបស់ Rapper 4T5 ជាច្រើន ។ ក្នុងនោះក៏មានការចង់ដឹងពីមូលហេតុច្បាស់ដែលធ្វើឱ្យRapper ដែលមានប្រជាប្រិយភាពម្នាក់បែរជាត្រូវបណ្តោយខ្លួនវាស់កម្ពស់នៅបុស្តិប៉ូលីសបែបនេះ ។
គួរឱ្យដឹងថា Rapper 4T5 មានបទចម្រៀងល្បីៗមួយចំនួននៅក្នុងយូធូប ដែលមានដូចជា «កង់មួយ» «OT DG DEL» និងបទ« IMDAMAN» ជាដើម ។ប្រសិនមាន ព័ត៌មានបន្ថែមទៀតទាក់ទងជាមួយការវាស់កម្ពស់របស់ Rapper 4T5 យើងនឹងផ្សាយជូនជាបន្តទៀត៕
