ថ្មីៗនេះអ្នកដឹកនាំសម្តែងរឿងលោក កៅ សីហា បានលាន់មាត់សរសើរដល់តារាជើងចាស់ដែលមានជាកញ្ចប់មិនថាបទពិសោធន៍ សមត្ថភាព និងការគោរពពេលវេលា ដាដើម ។ ការលើកឡើងបែបនេះក្រោយពីបានឃើញតារាកំប្លែង កាតុ បានបង្ហាញការមិនសប្បាយចិត្តចំពោះអ្នកសិល្បៈមួយចំនួនដែលមិនគោរពពេលវេលាហាក់ដូចមិនផ្តល់តម្លៃដល់កម្មវិធី ។
កាលពីពេលថ្មីៗនេះតារាកំប្លែងសម្បូរវោហាស៍ដូចចាក់ទឹក កាតុ បាននិយាយជាសាធារណៈនៅក្នុងវីដេអូមួយចំពោះអ្នកសិល្បៈមួយចំនួនដែលមកមិនទាន់ម៉ោងដែលកម្មវិធីកំណត់ ដូចជាតួខ្លះណាត់មកម៉ោង៨ ម៉ោង ៩ ម៉ោង ១០នៅមិនទាន់ឃើញមកតើហេតុអីយល់ឃើញយ៉ាងម៉េច។ សម្រាប់អ្នកនាងយល់ថាជាការមើលងាយកម្មវិធីគេឬចាត់ទុកលុយកម្មវិធីគេគ្មានតម្លៃ ។
តារាកំប្លែងរូបនេះថារិះគន់ដើ ម្បីស្ថាបនាព្រោះពេលវេលាជាមាសប្រាក់។ ជាមួយសម្តីដ៏ចាក់ដោតរបស់តារាកំប្លែងមាត់ដាចរូបនេះក៏បានធ្វើឱ្យលោក កៅ សីហា ដែលជាអ្នកដឹកនាំកម្មវិធីរបស់ទូរទស្សន៍ហង្សមាសនឹងបានរួមការងារជាមួយតារាសម្តែងថ្មី ចាស់រាប់មិនអស់នោះបានសម្តែងការពេញចិត្តនឹងបានលើកឡើងជាយោបល់បន្ថែមថា «ភាគច្រើន សឹងតែទាំងអស់ តួជើងចាស់ មានទាំងកញ្ចប់តែម្ដង សមត្ថភាព បទពិសោធន៍ ការគោរពពេលវេលា និងមានការអធ្យាស្រ័យល្អរវាងគ្នានិងគ្នា មិនថាចំពោះក្រុមការងារ ឬចំពោះតួថ្មីៗ ដែលជារលកក្រោយឡើយ»។
ទោះមិនបានបញ្ជាក់ច្បាស់លាស តែតាមសម្តីរបស់លោក កៅ សីហា អ្នកសិល្បៈដែលមិនសូវគោរពពេលវេលា ភាគច្រើនគឺតារាជើងថ្មីតែម្តង ។ បន្ថែមពីនេះលោក កៅ សីហា បាននិយាយនៅក្នុងខមិន ជាមួយអ្នកនាង កាតុ ថា «អស់និយាយហើយបងអើយ បើម៉ាកៗនឹង យកសិល្បៈជាខែល ហើយហោះស្ទុយ បានគេមិនខ្ចីគិតម៉ោងពេលការងារជាគោលនោះ»។ ក្នុងនោះតារាកំប្លែង កាតុ បានបញ្ជាក់ថាមូលហេតុដែលខ្លួនទម្លាយរឿងនេះដោយសារខឹងពេកព្រោះត្រូវអង្គុយចាំគ្រប់ពេល៕
