មានការចាប់អារម្មណ៍និងពេញចិត្តពីសំណាក់អ្នកលេងបណ្តាញសង្គមជាច្រើនក្រោយពីបានឃើញ ឌីជេ ក្តឹប បានបង្ហោះសារចាក់ដោតមួយដែលទំនងជាចង់និយាយពីសកម្មភាពអវិជ្ជ មានខ្លះៗ របស់យុវវ័យមួយចំនួនបានធ្វើចំពោះ កំពូល Yutuber ទូទាំងពិភពលោក Ishow Speed ដែលបានធ្វើដំណើរមកប្រទេសកម្ពុជាកាលពីថ្ងៃទី ២៣ ម្សិលមិញនេះ។
គួរឱ្យដឹងដែរថា Ishow Speed បានធ្វើដំណើរត្រលប់មកកម្ពុជាជាលើកទី២ ក្រោយលើកទី១ លោកបានធ្វើការ Stream ផ្ទាល់នៅឯខេត្តសៀមរាប ដោយបានទទួលបាន ៣០លាន Subscriber នៅទីនោះត្រឹមរយៈពេល តែជាង ៥០នាទីប៉ុណ្ណោះ។
អ្វីដែលគួរឱ្យកត់សម្គាល់ការវិលត្រឡប់មកជាលើកទីពីររបស់ Ishow Speed ក៏បានធ្វើដំណើរទៅកន្លែងពិសេសៗមួយចំនួននៅក្នុងប្រទេសកម្ពុជាដែលមានដូចជា ផ្សារទួលទំពូង សារមន្ទីរជាតិ និងវត្តភ្នំ ជាដើម ។ មិនតែប៉ុណ្ណោះលោកក៏បានទៅកន្លែងបង្ហាត់បង្រៀនគុនខ្មែរមួយផងដែរ ។ ទាំងនេះជាការជួយផ្សព្វផ្សាយនូវវប្បធម៌ខ្មែរឱ្យកាន់តែរីកទូលាយ ដល់បណ្តារប្រទេសជាច្រើននៅទូទាំងពិភពលោក តែអ្វីដែលជាចំណុចអសកម្មនោះគឺមានយុវវ័យមួយចំនួនតូចបានបង្ករភាពរញ៉េរញ៉ៃដល់កំពូល Yutuber រូបនេះផងដែរ ។
សកម្មភាពអសីលធម៌របស់យុវវ័យទាំងនេះក៏ទទួលបានការរិះគន់ពីសំណាក់អ្នកបណ្តាញសង្គមជាច្រើន។ក្នុងនោះឌីជេ ក្តឹប ដែលតែងតែហ៊ានបញ្ចេញយោបល់នូវ រឿងរ៉ាវអវិជ្ជមានមួយចំនួននៅក្នុងសង្គមបានបញ្ចេញជាសារយ៉ាងចាក់ដោតដែលធ្វើឱ្យមានអ្នកគាំទ្រជាច្រើនពេញចិត្តគ្រប់គ្នា ។
ឌីជេរូបនេះបាននិយាយថា «ក្រែងម្នាក់ៗខ្នះខ្នែងជ្រោមជ្រែងនិងលើកស្ទួយវប្បធម៌ពាលានិងឡប់ៗហី ហើយម៉េចពេលបានឃើញចឹងប្រឹងស្តីបន្ទោសជាតិសាសន៍ឯងម្លេះ?បើអាហ្នឹងវាឈ្លើយអ្នកគាំទ្រវាក៏ឈ្លើយដែរ( មិនចឹង)។សារខ្លីរបស់ ឌីជេក្តឹប ក៏ទទួលបានការពេញចិត្តនិងឯកភាពពីសំណាក់អ្នកលេងហ្វេសប៊ុកជាច្រើនដោយម្នាក់ៗលើកឡើងថា«និយាយត្រូវចិត្តណាស់បង»៕
