ពិតជាមិនធម្មតាក្រោយភ្ជាប់ស្នេហ៍ជាមួយអ្នកជំនួញអនឡាញ ម៉ាដាម ដា មិនបានប៉ុន្មានផងពេលនេះតារាសម្តែង ប៊ឺរី ត្រូវបានគូស្នេហ៍ជូនកាដូរថយន្តទំនើបពណ៌លឿងយ៉ាងគាប់ចិត្តដែលធ្វើឱ្យលោករំភើបនិងបានអរគុណដលអនាគតភរិយាជាខ្លាំង ។
ទើបសាងស្នេហ៍រយៈពេលខ្លីតាមរយៈការងារជាBA និងថៅកែស្រីក្តី តែចំណងស្នេហ៍របស់តារាសម្តែងរូបសង្ហា ប៊ឺរី និង ម៉ាដាម ដា មានភាពច្បាស់លាស់និងបែបចាស់ទុំដោយពួកគេមានគម្រោងរៀបការទៅតាមប្រពៃណីខ្មែរនៅក្នុងខែកុម្ភៈឆ្នាំ២០២៥ខាងមុខនេះ ។ តាមគម្រោ ងពិធីមង្គលការរបស់អ្នកទាំងពីរក៏មានការបើកឱ្យហ្វេន ហ្វេន ៥០០០ពាន់នាក់ចូលរួមជាសាក្សីផងដែរ ។ អ្វីដែលធ្វើឱ្យអ្នកគាំទ្រចាប់អារម្មណ៍និងលាន់មាត់សរសើរដល់សំណាងរបស់កំលោះសង្ហា ប៊ឺរី នោះគឺលោកទទួលបានកាដូយ៉ាងគាប់ចិត្តពីសំណាក់ ម៉ាដាម ដា នូវរថយន្តទំនើបមួយគ្រឿងម៉ាកហ្សីបកាលពីពេលថ្មីៗនេះ ។
ក្រោយទទួលបានកាដូដ៏មានតម្លៃលោក ប៊ឺរី បានបង្ហោះសារនឹងរៀបរាប់ពីដើមចមដែលធ្វើឱ្យ ម៉ាដាម ដា ទិញរថយន្តប្រភេទនេះកាដូដល់លោកថា «ស្វាគមន៏សមាជិកថ្មីអរគុណអូនគ្រប់យ៉ាងរឿងកើតចេញពីថ្ងៃថតMV ពួកយើងត្រូវជិះឡានjeepថត ហើយគាត់ឃើញខ្ញុំជិះគាត់ថាបងជិះសមស្អាត គាត់សួរថាបើឧទាហ៍បងជិះjeepជិះពណ៌អី ខ្ញុំក៏ឆ្លើយលឿងអូនស្អាត ហើយគាត់ក៏លួចកម្មង់អោយ Surpriseបានសំរេច»។
ការលើកឡើងរបស់តារាសម្តែង ប៊ឺរី បានធ្វើឱ្យអ្នកគាំទ្រក៏ដូចជាអ្នកលេងបណ្តាញសង្គមជាច្រើនចូលរួមត្រេកអរចំពោះកាដូដ៏ស្រស់ស្អាតរបស់លោក នឹងបានសរសើរពីបុណ្យសំណាងដែលទទួលបានដៃគូ ជាអ្នកមានទ្រព្យហើយថែមទាំងមានចិត្តទូលាយថែមទៀត ។ មួយវិញទៀតទោះមិនទាន់រៀបការតែគេបានឃើញលោក ប៊ឺរី មានការបំពេញតួនាទីជាស្វាមីល្អ ដោយលោកយល់ថា« ជីវិតគូគឺរួមទាំងសុខ រួមទាំងទុក្ខ អធ្យាស្រ័យគ្នាទៅវិញទៅមក ហើយប្រឹងប្រែងទាំងអស់គ្នា»៕
