លោក ម៉ុង ចាន់ថុល ត្រូវជាកូនឯកឧត្តមបណ្ឌិត ម៉ុង ឫទ្ធី បានទិញសត្វកន្ធាយទម្ងន់ 39,50kg ប្រគល់ជូនលោកឪពុក និងម្តាយដើម្បីយកទៅព្រលែង។ នេះបើយោងតាមឯកឧត្តមបណ្ឌិត ម៉ុង ឫទ្ធី។
តាមរយៈគេហទំព័រហ្វេសប៊ុករបស់ឯកឧត្តមបណ្ឌិត ម៉ុង ឫទ្ធី ចុះនៅថ្ងៃទី០៤ ខែតុលា នេះបានឱ្យដឹងថា៖ វេលាម៉ោង១១ព្រឹកថ្លៃអាទិត្យ ទី០៤ ខែវិច្ឆិកា ឆ្នាំ២០១៨ ដោយក្តីមេត្តាអាណិតស្រលាញ់សត្វព្រៃដ៏កម្រជិតផុតពូជ កូនប្រុសខ្ញុំម៉ុង ចាន់ថុលបានសុំចែកទិញយកសត្វកន្ធាយទម្ងន់ 39,50kg (សាមសិបប្រាំបួនគីឡូកន្លះ) ដែលមានអាយុកាលមិនតិចជាង៥០ឆ្នាំទេមើលទៅ ក្នុងតម្លៃ 3,950,000 រៀល ដែលគេបាននាំគ្នាសម្លៀងបាំងតោផ្សំគ្រឿងសម្រាប់ឆាក្តៅរួចជាស្រេចទៅហើយ។
ឯកឧត្តមបណ្ឌិត ម៉ុង ឫទ្ធី បានបន្តឱ្យដឹងទៀតថា៖ កូនយកមកជូនប៉ា ម៉ាក់យកទៅធ្វើអីក៏ធ្វើទៅស្រេចតែចិត្ត ខ្ញុំនិងភរិយាបានឯកភាពគ្នា យកមកព្រលែងនៅឫទ្ធី សែនជ័យ ដើម្បីថែរក្សាការពារទុកកុំអោយមានគ្រោះចង្រៃ បាំងតោនេះមកតាមយាយីបន្តទៅមុខទៀត រូបខ្ញុំ និងភរិយាសុំផ្ញើជូនបុណ្យកុសលនេះទៅដល់មនុស្សដែលចេះមានក្តីមេត្តាទាំងអស់គ្នា។