កាលពីម្សិលម្ងៃ ល្ងាចថ្ងៃទី ១៨ ខែមីនា ឆ្នាំ ២០១៩ ឯកឧត្តម សុខ សុវណ្ណវឌ្ឍនាសាប៊ុង (វិល្លាម) ប្រធានគណបក្សខ្មែរក្រោក ក្រោយពីបានទទួលព័ត៌មានពី មន្ត្រីនគរបាលប៉ុស្តិ៍ទំនប់ទឹក នៃអធិការដ្ឋាននគរបាលខណ្ឌចំការមន មួយរូប រហ័សនាម P1 ដែលមហាជនតែងកោសសរសើរគាត់សកម្មខាងប្រដេញបង្ក្រាបមុខសញ្ញានោះ និងបានខិតខំតស៊ូបំពេញភារកិច្ចនោះ ហើយត្រូវបានចោរលួចយកម៉ូតូទៅបាត់ ដែលជាម៉ូតូរបស់ខ្លួន ជាញឹសឈាមដែលខំសន្សំមកជាមួយប្រពន្ធរួចមក ឯកឧត្តមក៏បានប្រកាសឧបត្ថម្ភជាទឹកប្រាក់ចំនួន មួយពាន់ដុល្លារ។
រហូតមកដល់ល្ងាចថ្ងៃទី ២០ ខែមីនា នេះ ប៉ូលិសរងគ្រោះខាងលើបានទទួលទឹកប្រាក់ហើយពីឯកឧត្តមវិល្លាម តាមរយៈក្រុមការងារលោក ហើយជាមួយគ្នានេះដែរ P1 ក៏បានលើកឡើងថា ៖
ខ្ញុំបាទបាន ទទួលអំណោយដោយចិត្តស្មោះរបស់ឯកឧត្តម William Guang ខ្ញុំបាទពិតជាសប្បាយចិត្តណាស់ដែលលោកបានផ្តល់ដល់រូបខ្ញុំបាទ អ្វីដែលលោកជួយ ខ្ញុំនៅពេលនេះសូមផលបុណ្យទាំងនេះ ជូនទៅលោកទ្វេដង សូមអរគុណ 20.03.2019