មានការភ្ញាក់ផ្អើលខ្លាំងខណៈកាលពីពេលថ្មីៗនេះតារាចម្រៀង រ៉េប វណ្ណដា បានបង្ហាញវត្តមាននៅលើសារព័ត៌មានអន្តរជាតិមួយដោយមានការឱកាសជាប់នៅក្នុងបញ្ជីរបស់ LiFTED ថាជាកំពូលតារាតារាចម្រៀងរ៉េបទាំង៥០នៅអាស៊ីដោយក្នុងនោះលោកឈរនៅក្នុងលំដាប់លេខរៀងទី ០៦។
សម្រាប់ឆ្នាំ ២០២៣ នេះក៏មានការបើកបង្ហាញបញ្ជីប្រមូលផ្តុំ តារារ៉េបល្បីៗទាំង ៥០ នៅក្នុងតំបន់អាស៊ីហើយអ្វីដែលគួរឱ្យរំភើបនោះម្ចាស់បទ «កំលោះស្រុកខ្មែរ» វណ្ណដា ឈរនៅក្នុងលំដាប់លេខរៀងទី០៦ ខណៈលោក Ruthko ដែលត្រូវគេស្គាល់ថាជាម្ចាស់ បទ «សុរា» ឈរនៅក្នុងលេខរៀងទី ៤៦ នៅក្នុងបញ្ជីមួយនេះ។ ក្រៅពី វណ្ណដា ក៏មានតារាល្បីៗជាច្រើនដែលមានដូចជា Jay Park, MC STAN, Ramengvrl,Rich Brian និង Jackson Wang លេចមុខនៅក្នុងបញ្ជីមួយនេះ ។
ជាមួយនឹងព័ត៌មាននេះបានធ្វើឱ្យមហាជនក៏ដូចជាអ្នកគាំទ្រ វណ្ណដា មានការរំភើប និងមានមោទកភាពជាខ្លាំងដែលម្ចាស់បទ «Time To Rise» រូបនេះមានឱកាសបានឈរឈ្មោះនៅក្នុងលំដាប់តារាល្បីនៅក្នុងតំបន់អាស៊ី ។គួរបញ្ជាក់ថាកន្លងមក វណ្ណដា ក៏ធ្លាប់បង្ហាញវត្តមាននៅក្នុងការសម្តែងដ៏អស្ចារ្យ Rolling Loud នៅប្រទេសថៃដោយទទួលបានការគាំទ្រយ៉ាងខ្លាំងពីសំណាក់អ្នកគាំទ្រទាំងក្នុងនិងក្រៅប្រទេសហើយទទួលបានតម្លៃខ្លួនខ្ទង់លានដុល្លារឯណោះ៕